Файзли, тароватли, нурли маъносидаги исмлар

  • Афруза           —       ойдек равшан, қуёш нуридек порлоқ, шулъадор, ёндирувчи, оташин. Рўза ойида туғилган чиройли, ойдек қиз. Форс-тожикча.
  • Бахора            —       кўкламда, баҳорда туғилган қиз ёки ҳаёти баҳордек гуллаган, яшноқ, гўзал, чиройли. кўркам, файзли бўлсин. Форс-тожикча.
  • Гулой              —       гулдек ва ойдек зебо қиз ёки гулдек яшнаган ва ойдек нурли, кўркам қиз. Форс-тожикча, ўзбекча.
  • Гулшан          —       умри гулзордек обод, фаровон, зебу-зийнатли, файзу тароватли бўлсин, шод, хуррам, хурсанд бўлиб юрсин. Форс-тожикча.
  • Ёрқиной        —       ҳаёти нурли ва ойдек сулув қиз ёки меҳрибон дилкаш қиз. Ўзбекча.
  • Захро             —        ёрқин, равшан, оқ юзли. Нурли, порлоқ, нур таратувчи ёки интилувчи, ҳавас қилувчи, олдинга интилувчи. Арабча.
  • Зухро              —       нур, ёрқин, равшан, порлоқ. Чўлпон юлдузи, Зуҳродек нурли, кўркам, гўзал, бахт-саодат соҳхиби. Зуҳро Муҳаммад (с.а.в.)нинг қизи Фотиманинг сифати (лақаби) бўлган. Арабча.

  • Зиннура         —       нурли, равшан, чиройли, дилбар қиз. Арабча.

  • Зироат            —       ҳосил, ҳосила. Мўл-кўлчилик, қут-барака олиб келувчи қиз. Арабча.
  • Мавлуда         —       ҳосиятли, яхши, муқаддас кунда туғилган қиз, умрида яхши кунлар кўп бўлсин, ҳаёти чиройли ўтсин. Арабча.
  • Муборак         —       дуо олган, омадли, бахтли, қутлуғ, саодатли . Арабча.
  • Муқаддас        —      табаррук, азиз, қадрли ёки покиза, соф, бенуқсон, озода, қутлуғ. Арабча.
  • Мунаввар      —        нурли, равшан, жозибали, ёқимтой. Арабча.
  • Мунира           —       нурли, равшан, гўзал, зебо, бахтли, саодатманд, нур сочувчи, юзидан нур таралувчи, зебо қиз. Арабча.
  • Насиба            —       ризқу-рўзли, насибали қиз. Умри тўкин-сочинликда, бекаму-кўст ўтсин, насибали бўлсин маъносида. Арабча.
  • Нурия              —       бахтли, шодон қиз, ҳаёти нурли равшан; ўзидан нур сочувчи, офтобдек қувончли қиз. Арабча.
  • Ойдин              —      ёрқин, аниқ, порлоқ, ойдек мунаввар, гўзал, ой ёруғидан ҳам ёрқин, мафтун қилувчи. Бу исм жума куни туғилган қизларга ҳам қўйилади. Ўзбекча.

  • Ойша                —      яшовчи, барҳаёт, умри узоқ, ҳаёти нурли қиз. Бу исм Муҳаммад (с.а.в.)нинг аёллари Ойша (р.а.) исмлари бўлган. Арабча.

  • Рохат                —       ҳузур-ҳаловат, лаззатланувчи; тинч-омон, роҳатда, осуда, фаровон яшовчи. Арабча.
  • Сафура             —      юлдуз, ёруғ юлдуз; ёрқин, порлоқ; шукуҳли, ҳашаматли, мағрур ёки сочлари сариқ қиз. Арабча.
  • Фарангиз        —       нур сочувчи, зиёкор ёки гўзал, суюкли, шуъла сочувчи гўзал қиз. Форс-тожикча.

  • Феруза             —       бахтли, иқболи баланд, толеи порлоқ, саодатли қиз ёки фируза (кўк тусли товланувчи қимматбаҳо тош)дек азиз, қимматли, қадрли, бебаҳо, чиройли, зебо, нафис; нурли нур сочувчи. Форс-тожикча.

  • Юлдуз             —        юлдуздек ёруғ юзли, нурли, чиройли, латофатли ва сулув қиз. Толеи юлдуздек юксак ва иқболи порлоқ, ҳаёти нурга тўла бўлсин. Ўзбекча.

← рўйҳатга қайтиш