Мақтовга лойиқ, машҳур, ҳурматли

  • Аҳмад               —          Аллоҳга кўп ҳамду-санолар айтувчи киши, мақтовга, олқишга сазовор. Бу ном Муҳамммад (с.а.в.) сифатларидан биридир.  

  • Иззатуллоҳ     —         Аллоҳнинг кучи, қудрати, шону шавкати, иззат-икромга сазовор, ҳурматли ёки Аллоҳнинг ҳурматли бандаси. Арабча.

  • Маҳмуд             —         мақталган, мақтовга сазовор, донгдор, атоқли. Муҳаммад (с.а.в.)нинг сифатларидан бири. Арабча.

  • Муҳаммад        —         мақтовга, олқишларга сазовор. Пайғамбаримиз Муҳаммад соллаллоҳу алайҳи васалламнинг (Муҳаммад ибн Абдуллоҳ, 570 ёки 571 Макка — 632, Мадина) муборак исмлари. Муҳаммад Пайғамбар (с.а.в.) Аллоҳнинг энг яқин дўсти, камтарин, дунёга келган энг сўнгги пайғамбардир. Арабча.

  • Маъруф             —       таниқли, машҳур, атоқли, эл билган, номи чиққан, кўзга яқин ёки кунботар, шом пайтида дунёга келган бола. Арабча.

  • Ашраф               —       шарафли, эҳтиромли, олий зот ёки аслзода, авлиё, олий табақа, юқори насаб фарзанди. Арабча.

  • Достон               —       довруғи тилларда достон бўлган, таниқли, машҳур. Бу ном Рустамнинг отаси Золнинг (Фирдавсийнинг «Шоҳнома» достони қаҳрамони) лақаби бўлган. Форс-тожикча.

  • Икром                —       иззат, эҳтиром, обрў, мартаба, ҳурмат ёки совға, туҳфа, ҳадя. Арабча.

  • Мирдас              —       баланд мартабали ва ёшдек мустаҳкам. Арабча, ўзбекча.

  • Отабек               —       шаҳзода, хонзода, беклар бошлиғи, еткачиси, сардори; илғор, обрў-эътиборли, насл-насабли бола. Ўзбекча.

  • Шаҳзод              —       шоҳлар наслига мансуб бола, подшоҳ ўғли, бой. Зодагон, сардор, ҳукмрон ва қироллардек савлатли, виқорли, обрў-эътиборли. Форс-тожикча.

рўйҳатга қайтиш