Омадли, бахтли, саодатманд

  • Гулжахон   —       бахтли кунлар, яъни бахтли, саодатли кунда туғилган. Ҳаётда бахтиёр, иқболи, порлоқ, толеи баланд бўлсин. Форс-тожикча.

  • Маъмура     —      бахтли, насибали, фаровон яшовчи; бошқарувчи, етакчи, йўл кўрсатувчи, бошлиқ. Арабча.

  • Мунира       —      нурли, равшан, гўзал, зебо, бахтли, саодатманд, нур сочувчи, юзидан нур таралувчи, зебо қиз. Арабча.

  • Нурия          —      бахтли, шодон қиз, ҳаёти нурли равшан; ўзидан нур сочувчи, офтобдек қувончли қиз. Арабча.

  • Озода           —      эркин, ихтиёри ўзида; бахтли, бахтиёр ёки тоза, покиза, саранжом, тартибли, бегуноҳ, беғубор. Баъзи манбаларада сахий, оқ кўнгил, қалби пок деб ҳам изоҳланади. Форс-тожикча.

  • Саида           —      бахтли, омадли, толеи баланд, иқболи порлоқ, саодатманд қиз. Арабча.


  • Сайёра         —      тез ҳаракат қилувчи юлдуз; сайёра планетаси ёки толеи баланд, иқболи порлоқ, бахтли-саодатли қиз. Арабча.


  • Саодат         —       бахтли, саодатли, бахтиёр, иқболи порлоқ, толеи балнд қиз. Арабча.

  • Ситора         —      юлдуз, бахтли, омадли, чиройли, толеи баланд қиз, юлдуз каби порлоқ. Арабча.


  • Феруза         —      бахтли, иқболи баланд, толеи порлоқ, саодатли қиз ёки фируза (кўк тусли товланувчи қимматбаҳо тош)дек азиз, қимматли, қадрли, бебаҳо, чиройли, зебо, нафис; нурли нур сочувчи. Форс-тожикча.

  • Шодия         —      шодон, қувноқ, бахтиёр қиз. Шодлик, хурсандчилик куни туғилган қиз. Одамларга шодлик олиб келувчи. Форс-тожикча.

← рўйҳатга қайтиш