64 best Uzbek sayings and proverbs

1. Baxt kulgu bor uyga kirar.
2. Oila ahil bo’lsa,
   Omad o‘z oyog’i bilan kelar.
3. Ota-ona — davlating,
   Farzandlaring — savlating.
4. Ota bo‘lmay, ota qadrini bilmas,
   Ona bo’lmay, ona qadrini bilmas.
5. Maqsadli bo’lgan yo’l topar.
6. Gapni oz so‘zla,
   Ishni ko‘p ko‘zla.
7. Yomon bilan yurdim, qoldim uyatga,
   Yaxshi bilan yurdim, yetdim niyatga.
8. Maqtanganning burdi ketar,
   Asl niyatiga kamtar yetar.
9. Har ishning bir ustasi bor,
   Har ustaning bir ustozi bor.
10. Pul pulni topar,
    Yo’l yo‘lni topar.
11. Ro’zg’or o‘lchov bilan,
    Boylik tejov bilan.
12. Yuz so’m puling bo’lguncha,
    Yuzta do‘sting bo’lsin.
13. Mehnatning ko’zini topgan
    Boylikning o’zini topar.
14. Boylikning boshi — sog‘liq.
15. Har yerni qilma orzu,
    Har yerda bor tosh-u tarozi.
16. Ochlik azobini chekmagan,
    Non qadrini bilmas.
17. Hunarli kishi och qolmas.
18. Erinchoq ikki ishlar,
    Oxiri barmog’ini tishlar.
19. Yaxshilik ikki jahonni orttirar.
20. Ikki quyonni quvlagan birini ham tutolmas.
21. Uch kishi bilgan sirni
    Yuz kishi bilar.
22. Uch kun barvaqt turgan bir kun yutar.
23. Besh barmoq barobar emas.
24. Oltmish yashar ahmoqdan
    Olti yashar dono yaxshi.
25. Yetti o’lchab, bir kes.
26. Bir sinalgan tajriba
    Yetti kitobdan afzal.
27. Berganga bir ham ko’p,
    Olganga o’n ham oz.
28. Nasiyaning o‘n so‘midan
    Naqdning bir so‘mi yaxshi.
29. Kim tabib, boshidan o’tgan tabib.
30. Hasad qilma, havas qil.
31. Kamtarlik — katta davlat.
32. Kamtar kerilmaydi,
    Mol-dunyoga berilmaydi.
33. Baxil ehsondan qochar,
    Xasis mehmondan qochar.
34. Saxiyning o‘ng qo’li berar,
    Chap qo’li bilmas.
35. Xon odillik qilmasa.
    Xonumondan ayrilar.
    Boy xayrlik qilmasa,
    Bor molidan ayrilar.
36. Ko‘p o‘qigan olim bo’lsa,
    Ko‘pni ko‘rgan dono bo’lar.
37. Bilmaganni so‘rab o‘rgangan olim,
    Orlanib so‘ramagan o’ziga zolim.
38. Kattaga katta bo‘l,
    Kichikka — kichik.
39. Bir kattaning gapiga kir,
    Bir — kichikning.
40. Bola — shirinlikning adoyi,
    Qariya — shirin so‘zning gadoyi.
41. Yoshlikdagi g‘ayrat — keksalikdagi rohat.
42. Sarishtali uy — farishtali uy.
43. Mehmon kelgan uy — barakali.
44. Bozor bilgan och qolmas,
    Yo’l tanigan kech qolmas.
45. Do‘st achitib gapirar,
    Dushman — kulib.
46. Kim gapirganga boqma,
    Nima gapirganga boq.
47. Ko‘p gapirgandan ko’p ish kutma.
48. Hurmat qilsang, hurmat ko’rasan,
    Mehnat qilsang, davron surasan.
49. G’urur — g’urbat,
    Kamtarlik — hurmat.
50. Kattaga hurmatda bo’l,
    Kichikka — izzatda.
51. Obro’ topaman desang, kamtar bo’l,
    Qarimay desang, mehnat qil.
52. Ahmoqning kulgusi ko‘p,
    Dangasaning — uyqusi.
53. Erta turgan ish bitirar,
    Kech turgan ko‘p turtinar.
54. Ertalabki ish,
    Ko‘ngilni qilar xush.
55. Insofi borning barakati bor.
56. Insofli oshini yer,
    Insofsiz — boshini.
57. Qarz etma birovdan,
    Qutilmaysan ingrovdan.
58. Qarindoshingga qarz berma,
    Bersang so‘rama.
59. Mard — kurashda, do‘st — tashvishda,
    Dono g‘azabda sinalar.
60. Aqlingga aql qo‘sh,
    Jahlingga — sabr.
61. Aybsiz do‘st izlagan do‘stsiz qolar.
62. Aybiga iqror mard kishi,
    Yashirmoq — qo’rqoq ishi.
63. Ish bor yerda xato bor.
64. Xato qilmoq bordir,
    Tuzatmaslik ordir.