29 ta maqollar bekorchilik, dangasalik va ishyoqmaslik haqida

Ushbu sahifada bekorchi, ishyoqmas, erinchoq va dangasa so'zlari ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Bekordan xudo bezor.
  2. Bekor o'tirguncha, bekor ishla.
  3. Bekorchidan — bemaza gap.
  4. Bekorchidan el bezor,
    So'zidan ko'ngil ozar.
  5. Bekorchilik — bemazachilik.
  6. Bekorchining beti yo'q,
    Qozon osar eti yo'q.
  7. Bekorchining hunari — g'iybat.
  8. Bekorchidan bezib qoch,
    Chaqimchidan — ko'chib.
  9. Ishyoqmas rohat topmas.
  10. Ishyoqmas o'roqchi o'roq tanlar.
  11. Ishyoqmas itga ham yoqmas.
  12. Ishyoqmasga so'z yoqmas.
  13. Ishi yo'q chivin tutar.
  14. Ishi yo'qning ko'rki yo'q.
  15. Ishi yo'qning rizqi yo'q.
  16. Ishchan tilagi — tong ota qolsa,
    Erinchak tilagi — kun bota qolsa.
  17. Erinchoq ikki ishlar,
    Oxiri barmog'ini tishlar.
  18. Erinchoqning qo'li yetmas,
    Qo'li yetsa ham, ishi bitmas.
  19. Erinchoqning qo'li qisqa,
    Erinmaganning — yo'li.
  20. Erinchoqqa ish buyursang,
    Senga aql o'rgatar.
  21. Ahmoqning kulgusi ko'p,
    Dangasaning — uyqusi.
  22. Dangasaga bulut soyasi ham yuk.
  23. Dangasaga ish buyursang,
    Otangdan ortiq nasihat qilar.
  24. Dangasaga ish buyursang,
    Senga aql o'rgatar.
  25. Dangasaga ostona tepa bo'lib ko'rinar.
  26. Dangasaning ishi bitmas,
    Yoz kelsa ham qishi bitmas.
  27. Dangasaning g'ayrati ish bitganda qo'zir.
  28. Dono — bir joyda,
    Dangasa — har joyda.
  29. Ish ishtaha ochar,
    Dangasa ishdan qochar.

→ Boshqa mavzular bo’yicha o’zbekcha maqollar