49 ta maqollar botirlik, jasurlik va mardlik haqida

Ushbu sahifada botir, jasur va mard so'zlari ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. El kuyunganda kuyungan — botir,
    El suyunganda suyungan — botir.
  2. Botir botir emas,
    Jon saqlagan — botir.
  3. Botir botqoqdan ham o'tar,
    Qatqoqdan ham.
  4. Botir boshga balo tegmas.
  5. Botir yovsiz bo'lmas.
  6. Botir yarasiz bo'lmas.
  7. Botirga ham jon kerak.
  8. Botirdan o'lim ham qo'rqar.
  9. Botirning kulgani — elning kulgani.
  10. Dovni yenggan botir emas,
    Yovni yengan botir.
  11. Yigitning botirini maydonda sina.
  12. Yo'lbarsni yenggan emas, jahlni yenggan — botir.
  13. Ko'z — qo'rqoq, qo'l — botir.
  14. Tilingni botir qilma,
    O'zingni botir qil.
  15. Yuz qo'rqoqdan bir botir afzal.
  16. O'zing botir bo'lsang
    Qurolning keragi yo'q.
  17. Botirdan yaxshi ish qolar,
    Donodan — so'z.
  18. Avrasang, oqil bo'lar,
    Bovrasang, botir bo'lar.
  19. It o'z uyida — botir.
  20. Hiyla ham o'z o'rnida botirlik.
  21. Hiylasiz botir o'zini yovga oldirar.
  22. Qo'rqoq bo'lma, botir bo'l,
    O'z elinga shotir bo'l.
  23. Jasur bo'lsang, yov qaytar.
  24. Jasur bo'lsang, yovga chop.
    Jasur jangda sinalar.
  25. Jasur jangdan qo'rqmas,
    Yovdan sira hurkmas.
  26. Mardning mardi maydonda sinalar,
    Yigitning yigiti — mehnatda.
  27. Aybiga iqror mard kishi,
    Yashirmoq — qo'rqoq ishi.
  28. Yigitga mardlik yarashar.
  29. Mard berib xursand bo'lar,
    Nomard — olib.
  30. Mard bir marta o'lar,
    Qo'rqoq — yuz marta
  31. Mard boshini qilich kesmas.
  32. Mard yiqilsa, maydonda qolar.
  33. Mard yo'lida g'ov qolmas.
  34. Mard nomardga tiz cho'kmas.
  35. Mard o'zidan ko'rar,
    Nomard — o'zgadan.
  36. Mardga manzil ko'p.
  37. Mardlik yiqitmoq emas, turg'izmoq.
  38. Mardlik — mangulik.
  39. Mardlik sotib olinmas.
  40. Mardni mehnat yengolmas.
  41. Maslahatni marddan so'ra.
  42. Bir gapirgan — mard.
  43. Suv keltirar mard kishi,
    Ekin ekar har kishi.
  44. O'z aybini bilgan — mard.
  45. Va'daga vafo — mardning ishi,
    Va'dasiz — subutsiz kishi.
  46. Yo'qchilik mard qo'lini bog'lar.
  47. Olis yo'l otni sinar,
    Og'ir yo'l mardni sinar.
  48. Mardlik — kishining husni.
  49. Mardning noni — butun.

→ Boshqa mavzular bo’yicha o’zbekcha maqollar