21 ta maqollar BOZOR haqida

Ushbu sahifada bozor so’zi ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Bozor bilgan och qolmas,
    Yo’l tanigan kech qolmas.
  2. Bozori yaqin boyimas.
  3. Bozor borsang, avval oqshomdan taraddud ko‘r.
  4. Bozorga kech bor, erta qayt.
  5. Boringga qarab bozor qil.
  6. Bozoringni o‘zing qil,
    Tegirmoningni o‘zing tort.
  7. Yaxshi bilan yursang,
    Kunda bozor.
    Yomon bilan yursang,
    Ko‘ngling ozar.
  8. Otang — bozor, onang — bozor.
  9. Aql bozorda sotilmas.
  10. Odob bozorda sotilmas.
  11. Oyda-yilda bir bozor,
    Uniyam yomg’ir buzar.
  12. Ot bozori — baxt bozori.
  13. Somon-u xashakning bozori bor,
    Lola-yu gulning xaridori bor.
  14. Bozorim bozor emas, ovulim — bozor.
  15. Bozorning ota-onasi yo’q.
  16. Mozoring yaqin bo‘lsa ham,
    Bozoring yaqin bo‘lmasin.
  17. Bozordagi botmon quyruq,
    Taroziga tortgan quyruq.
  18. Uydagi narxni bozordagi baho buzar.
  19. Uydagi hisob bozorga to‘g‘ri kelmas.
  20. Bozor ko’rgan echkidan qo‘rq.
  21. Bozorda bari bor,
    Puling bo’lmasa, nari bor.

→ Boshqa mavzular bo’yicha o’zbekcha maqollar