28 ta maqollar DARAXT haqida

Ushbu sahifada daraxt so’zi ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Daraxt bir joyda ko’karar.
  2. Yolg’iz daraxt o‘rmon bo’lmas.
  3. Daraxtdan meva olaman desang,
    Niholligidan parvarish qil.
  4. Daraxtning husni — bargi bilan mevasi.
  5. Mevali daraxt yerga engashar,
    Mevasiz daraxt ko‘kka tirmashar.
  6. Daraxt yaprog’i bilan ko’rkam,
    Odam — mehnati bilan.
  7. Egilgan daraxtga suyanma,
    Seni ham egar.
  8. Daraxt sop bermasa,
    Bolta kesolmas.
  9. Egri bitgan daraxt to‘g‘ri o‘smas.
  10. Daraxt — ildizi bilan,
    Odam — do‘stlari bilan.
  11. Daraxt qancha baland bo’lsa ham,
    Mevasi quyida bo’ladi.
  12. Mevasiz daraxt egilmas.
  13. Mevasiz daraxtning boshi — tuman.
  14. Joyidan qo‘zg’algan daraxt kech avj olar.
  15. Serdaraxt qishloqni sel olmas.
  16. Daraxt о‘sib qush qo‘nar.
  17. Daraxtning soyasi tagiga tushmas.
  18. Mevali daraxt ko‘p kaltak yeydi.
  19. Mevali daraxtga hamma qaraydi.
  20. Mevali daraxtga har kim ham kesak otar.
  21. Rejasiz daraxtzor — changalzor.
  22. Daraxtning yumshog’ini qurt yer.
  23. Katta daraxtning soyasi ham katta.
  24. Ming daraxtning boshini bir bolta chopar.
  25. Qush qo‘nmaydigan daraxt bo’lmas.
  26. Daraxt tomiridan suv ichar.
  27. Tomiri ochiq daraxtga hamma shamol xavfli.
  28. Payti kelsa, daraxt gullar.

→ Boshqa mavzular bo’yicha o’zbekcha maqollar