28 ta maqollar donolik haqida

Ushbu sahifada dono so'zi ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Dono durdan a'lo.
  2. Ko'p o'qigan olim bo'lsa,
    Ko'pni ko'rgan dono bo'lar.
  3. Buloqning suvi tiniq,
    Dononing — suhbati.
  4. Oz-ozdan o'rganib, dono bo'lur,
    Qatra-qatra yig'ilib, daryo bo'lur.
  5. Oltmish yashar ahmoqdan
    Olti yashar dono yaxshi.
  6. Sohibkordan bog' qolar,
    Donodan — kitob.
  7. Ozdan yig'ilib daryo bo'lar,
    So'rab-so'rab dono bo'lar.
  8. O'g'il-qiz dono bo'lsa,
    El-u yurt xursand.
  9. Do'sti nodondan dushmani dono yaxshi.
  10. Ko'p qarining ichida,
    Bir bola dono bo'lur.
  11. Dono — bir joyda,
    Dangasa — har joyda.
  12. Devor bino bo'lmas,
    Qari bo'lgan bilan dono bo'lmas.
  13. Dono aytsa, el aytgani,
    Elning g'amin yeb aytgani.
  14. Dono bilan nodon bir buloqdan suv ichmas.
  15. Dono bilan yursang, dono bo'lasan,
    Ahmoq bilan yursang, rasvo bo'lasan.
  16. Dono naqli — hayot aqli.
  17. Dono so'ziga bino qo'yar
    Nodon — o'ziga.
  18. Dono o'ylab aytar,
    Nodon — o'ynab.
  19. Dono qarisa ham, donoligi qarimas.
  20. Donoga ergashgan dovondan oshar.
  21. Donolikning cheki yo'q.
  22. Dononing gapi — tegadi nafi.
  23. Dononing so'ziga boq,
    Yaxshining — o'ziga.
  24. Dononing so'zidan ham qolma,
    Yurgan izidan ham.
  25. Inson — aqli bilan,
    Dono — naqli bilan.
  26. Ma'rakada topib gapirgan — dono,
    O'zini tutib o'tirgan ham — dono.
  27. Donni yiqqan donodir.
  28. Qarilikni donolik bezar,
    Yoshlikni — kamtarlik.

→ Boshqa mavzular bo’yicha o’zbekcha maqollar

5