29 ta maqollar dunyo, jahon, olam haqida

Ushbu sahifada dunyo, olam so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Dunyo yorug’ bo’lsin desang,
    Uyingga chiroq yoq.
  2. Kengashganga — keng dunyo,
    Talashganga — tor dunyo.
  3. Bu dunyo o‘tar-ketar,
    Yuzi qoralik qolar.
  4. El senga etsa nadomat,
    Dunyoda turolmassan salomat.
  5. Odamning g’alamisiga dunyo bir pul.
  6. Dunyoni yel buzar,
    Odamni — so‘z.
  7. Bilimliga dunyo yorug’
    Bilimsizga — qorong’u.
  8. Bog‘ ko‘rki — bodom,
    Dunyo ko‘rki — odam.
  9. Til kichik bo’lsa ham dunyoni buzar.
  10. Ichi torga — dunyo tor.
  11. Qorni ochga non bo’lsa bas,
    Ko‘zi ochga dunyo yetmas.
  12. Devonaga ikki dunyo barobar.
  13. Dunyo — bevafo, mol-dunyo — bebaqo.
  14. Dunyo moli dunyoda qolar.
  15. Torga — tor dunyo,
    Kengga — keng dunyo.
  16. Dunyoning kerakligini bozorda bildim,
    Oxiratning kerakligini — mozorda.
  17. Dunyoni suv bossa,
    O’rdakka ne g‘am.
  18. Dunyoning ishi — miri kam ikki.
  19. O’tgusiz daryo bo‘lmas,
    O’limsiz dunyo bo‘lmas.
  20. Bu dunyoning xo‘rligi —
    Kissangda pulning yo‘qligi.
  21. Yaxshilik ikki jahonni orttirar.
  22. Jon bo‘lsa, jahon topilar.
  23. О‘zing yaxshi — olam yaxshi.
  24. Olam tinch — xonam tinch.
  25. Quloq so’z uchun,
    Olam ko’z uchun.
  26. O‘zingga qarama, olamga qara.
  27. Ona — olam faxridir.
  28. Olam kezsang, odam bo’lasan.
  29. Omon bo’lsang, olam seniki.

→ Boshqa mavzular bo’yicha o’zbekcha maqollar