21 ta maqollar ESHAK haqida

Ushbu sahifada eshak so’zi ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Ishi yo‘q eshak hurkitar.
  2. Yuki yengil eshak yotag’on bo’lar.
  3. Eshakning go‘shti harom,
    Mehnati — halol.
  4. Ko‘p gap — eshakka yuk.
  5. Ish bitdi,
    Eshak loydan o’tdi.
  6. Eshakning qo‘rqog‘i suvdan o‘tmas.
  7. Eshak qirqqa kirganda ham qiliq chiqarar.
  8. Eshak maslahatlashib hangramas.
  9. Yo eshakni yukka elt,
    Yo — yukni eshakka.
  10. Eski shoyi eshakka ham to’qim bo’lmas.
  11. Ochko‘z eshak to‘rva teshar.
  12. Bu eshak — o‘sha eshak,
    To’qimi boshqa eshak.
  13. Eshak buloqni bulg’ab suv ichar.
  14. Eshak to‘qim tanlamas.
  15. Eshakka atlas to’qim ursang ham, bari bir eshak.
  16. Eshakning hangrashi to‘yda avjga chiqar.
  17. Eshakni urgan bilan ot bollmas.
  18. Teshik ko‘prikdan eshak o‘tmas.
  19. Egasiz eshakni bo‘ri yer.
  20. Eshak minganning oyog’i tinmas.
  21. Eshakka pashmakdan xashak yaxshi.

→ Boshqa mavzular bo’yicha o’zbekcha maqollar