44 ta maqollar FASLLAR haqida | Bahor, yoz, kuz, qish

Ushbu sahifada bahor, yoz, kuz, qish so'zlari ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Yilning yaxshi kelishi bahordan ma'lum.
  2. Bahorgi harakat — kuzgi barakat.
  3. Bahorning bir kuni yilga tatir
  4. Bahorning bir kuni qishni boqar.
  5. Yaxshi yil bahoridan ma'lum,
    Yaxshi kun — saharidan.
  6. Yoz kelishini laylak bilar,
    Qish kelganin — olaqarg'a.
  7. Yoz ketar, qish kelar,
    Shoshmay turing, ish kelar.
  8. Yozga yetsang, qish kuningni unutma.
  9. Yozda mehnat qilsang,
    Qishda yeysan kishmish.
  10. Yoz — yozil, qish — qisil.
  11. Yoz mevasi — qish xazinasi.
  12. Yoz qoqisi — qishga dori.
  13. Yozgi harakat — kuzgi barakat.
  14. Yozning gilami — keng.
  15. Laylak kelmay, yoz bo'lmas,
    Qirg'iyak chopmay, kuz bo'lmas.
  16. Laylak kelsa — yorug' yoz,
    Turna kelsa — tunuq yoz.
  17. To'qson to'lmay, yoz chiqmas.
  18. G'oz kelgani — yoz kelgani.
  19. Harakating erta bo'lsa,
    Kuzda erta o'rasan.
  20. Jo'jani kuzda sana.
  21. Kuzda yig'sang, qishda yeysan
  22. Kuzning kelishini yozda belgila
  23. Dehqon bo'lsang, kuz hayda,
    Kuz haydamasang, yuz hayda.
  24. Kuzning qozoni quyuq qaynar.
  25. Kuzgi sovuqdan kun bo'yi qoch.
  26. Bug'doy eksang, kuzda ek,
    Yaxshi haydab, bo'zga ek.Kuzning bir kuni qishning bir oyini boqar.
  27. Kuzning bir kuni qishning bir oyini boqar.
  28. Qirqkuyak keldi — kuz keldi.
  29. Qish g'amini yozda ye,
    U yog'ini o'zing bilasan.
  30. Qishda po'stin kiyma, qazi ye.
  31. Bog'ni qishda ko'l qil,
    Yozda cho'l qil.
  32. Qarg'a keldi — qish keldi.
  33. Qish o'tar, qoralik qarg'aga qolar.
  34. Qish o'chog'i tor,
    Tur, uyingga bor.
  35. Qish qattiq kelsa — it yili.
  36. Qish qilig'ini qilmay qo'ymas,
    Yoz yo'rig'ini yo'ymay qo'ymas.
  37. Qish — qisilmoq, yoz — yozilmoq.
  38. Qishligini topmagan yozligidan ayrilar.
  39. Qish qishligini qilmasa,
    Yoz yozligini qilmas.
  40. Qish qo'nog'i — o't.
  41. Qishning bir kuni qolsa qo'rq.
  42. Qishning kuni qirq turli,
    Qirqovi ham qiliqli.
  43. Qishning qahri — kuzga baraka.
  44. Qishning qori — yozga dori.

→ Boshqa mavzular bo’yicha o’zbekcha maqollar