29 maqollar hurmat, izzat, obro’ haqida

Ushbu sahifada hurmat, izzat, obro’ so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Mehnat qilsang, ko‘ksing tog‘,
    Hurmat qilsang, diling bog’.
  2. Hurmat qilsang, hurmat ko’rasan,
    Mehnat qilsang, davron surasan.
  3. Hurmating — savlating,
    Mehnating — davlating.
  4. Qochoqqa shafqat yo’q,
    Qo’rqoqqa — hurmat.
  5. Aqlliga — hurmat, aqlsizga — kaltak.
  6. Baxilning hurmati bo‘lmas.
  7. G’urur — g’urbat,
    Kamtarlik — hurmat.
  8. Davlat bo’lsa — savlat,
    Savlat bo’lsa — hurmat.
  9. It izzatni bilmas,
    Ho’kiz — hurmatni.
  10. Kattaga hurmatda bo’l,
    Kichikka — izzatda.
  11. Kishining hurmati o’z qo’lida.
  12. Yuz — yuzning hurmati.
  13. Nonga hurmat — elga hurmat.
  14. Qadringga yetganni bil,
    Qadrlabdi, hurmat qil.
  15. Tursang so’zingda, hurmat o’zingda.
  16. Izzat qilsang, hurmat ko’rasan.
  17. Odam izzatga semirar.
  18. Sihat tilasang, ko’p yema,
    Izzat tilasang, ko’p dema.
  19. Obro’ topaman desang, kamtar bo’l,
    Qarimay desang, mehnat qil.
  20. Obro’ning onasi — mehnat,
    Otasi — sa’yi harakat.
  21. Kamtar bo’lsang, obro‘ ortar,
    Manman bo’lsang, ensa qotar.
  22. Elda obro’ying bo’lsa,
    Yo’lda yuking qolmas.
  23. Yaxshi o‘g‘il — el obro‘si,
    Yaxshi qiz — uy obro‘si.
  24. Obro‘ isitar, uyat kuydirar.
  25. Beobro‘ bilan bel bog‘lama,
    Bekorga qadring ketar.
  26. Obro‘ni izlashdan ish ko‘rsatgan afzal.
  27. Kiyimni yangiligidan saqla.
    Obro’ni — yoshlikdan.
  28. Obro‘ misqollab kelar,
    Qadoqlab ketar.
  29. Obro‘li obro‘yidan qo‘rqar,
    Beobro’ nimadan qo‘rqar.

→ Boshqa mavzular bo’yicha o’zbekcha maqollar