22 ta maqollar mehmon va mehmondo'stlik haqida

Ushbu sahifada mehmon so'zi ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Mehmon kelgan uy — barakali.
  2. Mehmon kelgan uyning chirog'i ravshan.
  3. Mehmon — aziz, mezbon — laziz.
  4. Mehmon joyi ko'z ustida.
  5. Mehmon izzatda,
    Mezbon xizmatda.
  6. Mehmon kelar eshikdan,
    Rizqi kelar teshikdan.
  7. Yo'qcha guruch osh bo'ladi,
    Mehmon ko'ngli shod bo'ladi.
  8. Mehmon kelsa, pastga tush,
    Palov bermoq ahdga tush.
  9. Mehmonga osh qo'y,
    Ikki qo'lini bo'sh qo'y.
  10. Mehmonga shirin so'z ber.
  11. Mehmonxonang tor bo'lsa ham,
    Mehri-diling keng bo'lsin.
  12. Kelguncha mehmon uyalar,
    Kelgandan so'ng mezbon uyalar.
  13. Mehmon mezbonga aziz,
    Mezbon — mehmonga.
  14. Mehmon mehmonni sevmas,
    Mezbon hammasini sevmas.
  15. Mehmon oz o'tirar, ko'p ko'rar.
  16. Mehmonning otini asl derlar,
    Uch kundan so'ng sasir derlar.
  17. Mehmonning o'zi ham mehmon,
    So'zi ham mehmon.
  18. Oyda kelganga — oyoq,
    Kunda kelganga — tayoq
  19. Supurilmagan uyga mehmon kelar.
  20. Chaqirilmagan mehmon —
    Sariq itdan yomon
  21. Ziqnanikiga mehmon kelmas,
    Kelsa ham ovqat yemas.
  22. Aytmas yerda og'zingni tiy,
    Mehmonga borganda — nafsingni.

→ Boshqa mavzular bo’yicha o’zbekcha maqollar