54 ta maqollar mehnat, harakat, ter to'kish, sport haqida

Ushbu sahifada mehnat, jismoniy harakat, ter to'kish haqida o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Inson qilolmaydigan ish yo'q.
  2. Harakating — sog'liging,
    Mehnating — boyliging.
  3. Sabr bilan mehnat qilgan boy bo'lar.
  4. Qozon o'tdan, odam harakatdan qizir.
  5. Kumushdek ter to'ksang,
    Gavhardek dur olarsan.
  6. Tirishgan tog'dan oshar,
    Ter to'kkan baxtli yashar.
  7. Ter to'kib mehnat qilsang, yerdan zar unar.
  8. Ter to'kkanga — besh yong'oq,
    To'kmaganga — puch yong'oq.
  9. Ter tagida dard qolmas.
  10. Yigit husni — mehnatda.
  11. Yigitning baxtini mehnat ochar.
  12. Mashaqqatsiz baxt kelmas,
    Mehnatsiz taxt kelmas.
  13. Mehnat baxt keltirar.
  14. Mehnat va o'qish — og'a-ini.
  15. Mehnat, mehnatning tagi — rohat.
  16. Mehnat shuhrat keltirar,
    Yalqovlik — la'nat.
  17. Mehnat qancha og'ir bo'lsa,
    Keti shuncha shirin bo'lar.
  18. Mehnat qilmay rohat ko'rmas,
    Urug' sepmay ekin o'rmas.
  19. Mehnat qilsang qaram bo'lmaysan.
  20. Mehnatning ko'zini topgan
    Boylikning o'zini topar.
  21. Mehnatsiz rohat bo'lmas,
    Savobsiz — jannat.
  22. Odamning husni — mehnatda.
  23. Uyqu — g'aflat, mehnat — rohat.
  24. Xazina g'oyibdan emas, mehnatdan.
  25. Yutuqning kaliti — mehnat.
  26. Hamma narsaning otasi — mehnat.
  27. Mehnatingni halol qilsang,
    Huzurini ko'rasan.
  28. Unumli mehnat — katta daromad.
  29. Sendan harakat, mendan barakat.
  30. Harakat, harakatda barakat.
  31. Jumadan umiding bo'lsa,
    Payshanbadan harakat qil.
  32. Barvaqt qilingan harakat,
    Hosilga berar barakat.
  33. Bahorgi harakat — kuzgi barakat.
  34. Halol ish — lazzatli yemish.
  35. Ish boshlaganda maqtanma,
    Ish bitganda maqtan.
  36. Gap bilan shoshma, ish bilan shosh.
  37. Ming shirin maslahatdan bitta o'rnak ish yaxshi.
  38. Gap — boshqa, ish — boshqa.
  39. Indamasdan ish chiqar.
  40. Ish bilan vaqt tez o'tar.
  41. Ish bilan qishning mushkuli bitar.
  42. Ish bor yerda osh bor
  43. Ish bor yerda xato bor.
  44. Jon koyitmay, ish bitmas.
  45. Ish do'sting — jon do'sting.
  46. Ish — insonning gavhari.
  47. Ming so'zdan bir ish yaxshi.
  48. Mingta chiroyli so'zdan,
    Bitta xunuk ish yaxshi.
  49. Odamni po'stin emas, ish qizdirar.
  50. Egri ish ellik yildan keyin ham bilinar.
  51. Aqlli ish — qanotli qush.
  52. Ish avvalini bir o'ylasang,
    Oxirini besh o'yla.
  53. Rejali ish — hamisha besh.
  54. Erta turgan ish bitirar,
    Kech turgan ko'p turtinar.

→ Boshqa mavzular bo’yicha o’zbekcha maqollar