34 maqollar NON haqida

Ushbu sahifada non so’zi ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Non bo’lsa bas,
    O’zgasi havas.
  2. Non ham non, ushogi ham non.
  3. Yarimta non — rohati jon.
  4. Non qon bo’lsa, qon — jon.
  5. Non mo’lligi — el to’qligi.
  6. Non pishguncha, kulcha kuyar.
  7. Non bolasi — non ushoq.
  8. Ketmon chopdim — non tishladim.
  9. Sen ishni quvsang,
    Non seni quvar.
  10. Mehnatli non — shakar,
    Mehnatsiz non — zahar.
  11. Non yemoqchi bo’lsang.
    O’tin tashishdan erinma.
  12. Nonni mehnat topgan,
    Mehnatni non topgan.
  13. Mehnatning noni — mazali,
    O’g’rining umri — azali.
  14. Mehnatning noni — shirin,
    Yalqovning joni — shirin.
  15. Non yemasning ishiga boq
  16. Beli og‘rimaganning non yeyishini ko‘r.
  17. Qo‘li hunarsiz — non gadoyi.
  18. Nomard non ustida ham nolishini qo‘ymas.
  19. Yaxshi qiz eita turib, soch tarar,
    Yomon qiz erta turib, non so‘rar.
  20. Xasisdan don tilaguncha,
    Gadoydan non tila.
  21. Nonvoyga non aziz,
    Tegirmonchiga — un.
  22. Ochlik azobini chekmagan,
    Non qadrini bilmas.
  23. Osh — avliyo, non — payg‘ambar.
  24. О’gay ota non bermas,
    Non bersa ham, jon bermas.
  25. Qorni ochga non bo’lsa bas,
    Ko‘zi ochga dunyo yetmas.
  26. Non qiyshiq emas, bug‘doyi qiyshiq.
  27. Non — nonda, kaliti — osmonda.
  28. Ovchi non qidirar,
    Konchi — kon.
  29. Don ayagan donga yetar,
    Non ayagan — nonga.
  30. Tilab olgan non qorin to‘ydirmas.
  31. Katta-katta gapirguncha,
    Katta burda non tishla.
  32. Och qorinda non turmas.
  33. Ochga bir non — qalqon.
  34. Kambag‘alning ko’ziga kepchak non bo’lib ko‘rinar.

→ Boshqa mavzular bo’yicha o’zbekcha maqollar