65 maqollar: och qorin, ochlik va to’qlik haqida

Ushbu sahifada och, ochlik, to’qlik so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Ochlik azobini chekmagan,
    Non qadrini bilmas.
  2. Ochlik osh tanlatmas,
    Oshiqlik yosh tanlatmas.
  3. Odam ochlikdan o’lmas, ordan o’lar.
  4. To’qlikda ochlikni o‘yla,
    Boyiganda — muhtojlikni.
  5. Ochlik ko‘chaga chiqarar,
    Yalang’ochlik uyga kirgizar.
  6. To’qlik ishrat qidirar,
    Ochlik o‘lan dedirar.
  7. To‘qlik nimalar dedirmas,
    Ochlik nimalar yedirmas.
  8. To‘qlik so‘qishtirar,
    Ochlik so‘kishtirar.
  9. Oqlik bo’lsa, ochlik yo‘q.
  10. Och bo‘l, omon bo‘l.
  11. Och yur, tinch yur.
  12. Och qornim — tinch qulog’im .
  13. Och o‘zini o‘tga urar.
  14. Hunarli kishi och qolmas.
  15. Sigiri bor och qolmas.
  16. Tirishgan och qolmas.
  17. Och bo‘lsang ham to‘qday bo‘l,
    Miltiqdan chiqqan o‘qday bo‘l.
  18. Yotgan ho‘kiz och qolar.
  19. Osmonga og’iz ochgan och qolar.
  20. Chayon chaqqan uxlaydi,
    Qorni och uxlamaydi.
  21. Tog’ takasi tek tursa, och qolar.
  22. El og’ziga boqqan och qolar.
  23. Och bilan to’qning na ishi bor.
  24. Och bola to‘q bola bilan o‘ynamaydi,
    To’q bola och bolani o‘ylamaydi.
  25. Och qadrini to’q bilmas
  26. Xudoga ishonib, och qolma.
  27. Olti kun och qolsang ham,
    Otang odatini qo‘yma.
  28. Och qoringa — achchiq ayron.
  29. Och qoringa — namakob.
  30. Bozor bilgan och qolmas,
    Yo’l tanigan kech qolmas.
  31. Itdan och yo‘q,
    Itdan tinch yo’q.
  32. Och otasini tanimas.
  33. Non qadrini och bilar,
    Kiyim qadrini — yalang‘och.
  34. Og’riq qadrini sog‘ bilmas,
    Och qadrini — to’q
  35. Och to’ng’izdan, qoch to‘ng‘iz.
  36. Birovning oshiga qaragan och qolar.
  37. Och bachchag‘ardan qoch bachchag‘ar.
  38. Och bo‘ridan tolq bo’ri yomon.
  39. Och to‘yar, suq to‘ymas.
  40. Minnatli norindan
    Och turgan qorin yaxshi.
  41. Och molim — to’q molim,
    To‘q molim — yo‘q molim.
  42. Ot jallobi och qolar.
  43. Ochiq og‘iz och qolmas.
  44. Qo‘lni yuvib, och qolma.
  45. Och kishi moy tanlamas,
    Qari qiz boy tanlamas.
  46. Och kishiga osh qo’ysang, betingga qaramas.
  47. Och qolgan nondan gapirar.
  48. Tuya och bo‘lsa, jihoziga tarmashar.
  49. To‘yganda to’qlining go‘shti ham tatimas,
    Och qolganda zog‘ora non ham ortmas.
  50. Quzg‘un och qolsa, tirikni ham cho‘qir.
  51. Boy bo’lmasim bilibman,
    Och o’ldirma, xudoyim.
  52. Och uyda qatiq uyumas.
  53. Och qorinda non turmas.
  54. Och urishqoq kelar.
  55. Och otasini bilmas, to‘q to‘g‘ralgan etni yemas.
  56. Yalang’och yetolgan kun esdan chiqar,
    Och to‘ygan kun esdan chiqar.
  57. Bir charchaganga tegma,
    Bir — och qolganga.
  58. Och qolib yegan so‘ng,
    Zog‘ora non ham qand bo’lar.
  59. Och bo’l, yalang’och bo’l, salomat bo’l.
  60. Och holini to‘q bilmas,
    Kasal holini — sog’.
  61. Yerini aldagan och qolar.
  62. Hunar bilgan och qolmas,
    Yo‘l tanigan kech qolmas.
  63. Qish o’ldirma, yoz o‘ldir,
    Och o’ldirma, to‘q o’ldir.
  64. Kasal dardini sog’ bilmas,
    Och qadrini to‘q bilmas.
  65. Och qayg‘usini ochiqqan bilar,
    Yo‘q qayg‘usini — tariqqan.

→ Boshqa mavzular bo’yicha o’zbekcha maqollar