63 maqollar pul, boylik, mol dunyo, xazina haqida

Ushbu sahifada pul, boylik, mol dunyo, xazina, davlat so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Pul — belga quvvat, boshga — toj.
  2. Puling bo‘lsa, yer ol.
  3. G‘arib bo’lmay, bilmas elning qadrini,
    Mehnat qilmay, bilmas pulning qadrini.
  4. Pulni bersang pulliga ber, puling kuymas.
  5. Pul pulni topar,
    Yo’l yo‘lni topar.
  6. Pulni topish oson, saqlash qiyin.
  7. Pul to‘plasang, kul bo‘lar,
    Somon to‘plasang, pul bo‘lar.
  8. Pulni topgan xarjlasin.
  9. Pulning onasi — tiyin.
  10. Sanoqli mol yo‘qolmas.
  11. Pul bo’lsa, changalda sho‘rva.
  12. Puli borning yo’li o‘ng.
  13. Pul topadigan bo’lguncha,
    Pulni tutishni o‘rgan.
  14. Pul topguncha, aql top.
  15. Ro’zg’or o‘lchov bilan,
    Boylik tejov bilan.
  16. Boylik ushoqdan yig‘ilar.
  17. Kimning moli, puli bo’lsa,
    Avliyoning o‘g’li shul.
    Dunyo, moli bo‘lmasa,
    Tomni teshgan o‘g‘ri shul.
  18. Pul orttirma, do’st orttir.
  19. Yuz so’m puling bo’lguncha,
    Yuzta do‘sting bo’lsin.
  20. Puling bo‘lmasa, bo‘lmasin,
    Shirin so‘zing bo‘lsin.
  21. Vaqt aqchadur,
    G’ofil bo’lma, qochadur.
  22. Ko’ngil pulga topilmas.
  23. Puli borning nozi bor.
  24. Kasal jonning harakatida,
    Tabib pulning harakatida.
  25. Ekilmagan ekinning ustidan pul olma.
  26. Pul ketsa-ketsin, obro‘ ketmasin.
  27. Qora pulni qora kunga saqla.
  28. Pul tilni biyron, dastni daroz qilar.
  29. Yerni suv buzar,
    Odamni — pul.
  30. Xasisning pulidan yulduz yaqin.
  31. Qamish suvga to’уmas,
    Xasis — pulga.
  32. Puli borning og’zi o‘ynar,
    Puli yo‘qning ko‘zi o‘ynar.
  33. Puli ko’pning ko‘zi ko’r.
  34. Bozorda bari bor,
    Puling bo’lmasa, nari bor.
  35. Bu dunyoning xo‘rligi —
    Kissangda pulning yo‘qligi.
  36. Mehnatning ko’zini topgan
    Boylikning o’zini topar.
  37. Aqldan ortiq boylik yo‘q.
  38. Tekin boylik axtarguncha,
    O‘zingga bop hunar top.
  39. Asl boylik — qanoat.
  40. Hurmat — bitmas boylik.
  41. Boylik boylik emas,
    Ahillik — boylik.
  42. Chin boylik — imon boyligi.
  43. Boylikning boshi — sog‘liq.
  44. Salomatlik — tuman boylik.
  45. Kamtarlik — katta davlat.
  46. Tez kelgan davlatning qadri yo‘q.
  47. Yaxshi niyat — yarim davlat.
  48. Yoshingni oshir,
    Davlatingni yashir.
  49. Dehqonning xazinasi — yer,
    Kaliti — ter.
  50. Yo’l yurgan xazinaga yo’liqar.
  51. Xazina g’oyibdan emas, mehnatdan.
  52. Yo‘l quvgan xazinaga yo‘liqar,
    So’z quvgan — baloga.
  53. Hunar — tuganmas xazina.
  54. Yaxshi xotin — xazina.
  55. Mehnatsiz topilgan mol hisobsiz ketar.
  56. Kamtar kerilmaydi,
    Mol-dunyoga berilmaydi.
  57. Moling ko‘p bo‘lsa, maqtanma,
    Boshing ko‘p bo‘lsa, to‘planma.
  58. Mol-dunyo topilar, odam topilmas.
  59. Moling borida — ana do‘st.
    Moling yo‘g‘ida — qani do’st.
  60. Mol yig‘sang, qo‘nishini top,
    Osh yesang, idishini top.
  61. Molingga suyanma, oringga suyan.
  62. Dunyo moli dunyoda qolar.
  63. O’zing topmagan molning qadri yo’q.

→ Boshqa mavzular bo’yicha o’zbekcha maqollar