29 ta maqollar qarindosh, urug' aymoq haqida

Ushbu sahifada qarindosh, urug' aymoq so'zlari ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Qarindoshdan qarz olma,
    Qarindoshga qiz berma.
  2. Qarindoshingga qarz berma,
    Bersang so'rama.
  3. Qozonga qaragan qarindosh emas,
    Qarashgan — qarindosh.
  4. Qarindoshing qarindosh emas,
    Kasbdoshing — qarindosh.
  5. Qattiq gap qarindoshga ham yoqmas.
  6. Yaxshi do'st yuz qarindoshdan yaxshi.
  7. Mehr bilmas qarindoshdan,
    Mehr bilgan yot yaxshi.
  8. Qadr bilmas qarindoshdan
    Yaqindagi yot yaxshi.
  9. Yaxshi qo'shni uzoq qarindoshdan yaxshi.
  10. Bemehr qarindoshdan
    Mehr bilgan yot yaxshi.
  11. Bir ko'rgan — tanish,
    Ikki ko'rgan — oshna,
    Uch ko'rgan — qarindosh.
  12. Borsang — qarindosh,
    Bormasang — begona.
  13. Bo'ladan qarindosh bo'lmas.
  14. Qayg'u kunda — qarindosh.
  15. Yomon qarindoshga yalinguncha,
    Qora qozoningga yalin.
  16. Yordami yo'q qarindoshdan
    Yetti yot begona yaxshi.
  17. Yot — yeguncha, qarindosh — o'lguncha.
  18. Jon qarindosh mol qarindosh emas.
  19. Kasal oshdan,
    Davo — qarindoshdan.
  20. Qarindoshim — qora qozonim,
    Urug'im — unli chuvolim.
  21. Qarindoshing kelsa-kelsin,
    Bo'z xaltasi kelmasin.
  22. Qarindoshingni oshga chaqir, choshga chaqirma.
  23. Qarindoshli qarimas.
  24. Qarindoshning tovushi qorong'ida belgili.
  25. Qozilashgan qarindosh bo'lmas.
  26. Qon qarindosh — jon qarindosh.
  27. Bor qarindosh — qarindosh,
    Yo'q qarindosh — ziyondosh.
  28. Urug'ingga so'z aytsang,
    Orasini uzib ayt.
  29. Urug'-aymog'im — quyuq qaymog'im.

→ Boshqa mavzular bo’yicha o’zbekcha maqollar