35 maqollar qariyalar, keksalar haqida

Ushbu sahifada qari va keksa so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Aqlli qariya — oqib turgan daryo.
  2. Qariyali uyda qo‘y ham omon, bo‘ri ham yo‘q.
  3. Bola — shirinlikning adoyi,
    Qariya — shirin so‘zning gadoyi.
  4. Keksaga yo‘l ber,
    О‘zing ham qartayasan.
  5. Keksa qassob tushiga
    Tunda mingta qo’y kirar.
  6. Yoshlikdagi g‘ayrat — keksalikdagi rohat.
  7. Yigitga og‘ir narsa ham yengil tuyular,
    Keksaga yengil narsa ham og‘ir tuyular.
  8. Yo’tal — keksaning hamrohi.
  9. Keksalik — ko’prik.
  10. Keksaning yoshini so’rama, ishini so’ra.
  11. Har keksadan bir naql.
  12. Boboning tol ekkani —
    O’ziga nom ekkani.
  13. Ko‘p qarining ichida,
    Bir bola dono bo’lur.
    Ko‘p bolaning ichida,
    Bir qari bola bo’lur.
  14. Devor bino bo‘lmas,
    Qari bo’lgan bilan dono bo‘lmas.
  15. Dono qarisa ham, donoligi qarimas.
  16. Qari-qari demangiz,
    Qarini quruq qo’ymangiz.
  17. Qari bor uyda pari bor.
  18. Yaxshi odam qarisa ham so’zi aynimas,
    Yaxshi ot qarisa ham, yurishi aynimas.
  19. Qarib quyulmagan, achib suyulmas.
  20. Bir qarining gapiga kir,
    Bir — parining.
  21. Qaring bor — barakang bor.
  22. Bo‘ri qarisa ham bitta qo‘yga kuchi yetar.
  23. Otang qarisa, qul olma,
    Onang qarisa — cho‘ri.
  24. Yoshligingda odatlansang,
    Qariganda ko‘nikasan.
    Qariganda odatlansang,
    Ko‘nikkancha ko‘milasan.
  25. Yosh kelsa — ishga,
    Qari kelsa — oshga.
  26. Yosh ketaman deb qo‘rqitar,
    Qari — o’laman deb.
  27. Yoshni xudo saqlar,
    Qarini — ovqat.
  28. Tuya qarisa, bo‘tasiga ergashar.
  29. Qari bor uyning zari bor.
  30. Qarisi bor uyning parisi bor,
    Parisi bor uyning barisi bor.
  31. Qarida xislat ko’p.
  32. Qarilik — bolalik.
  33. Qarilik — davosiz dard.
  34. Qarilikni donolik bezar,
    Yoshlikni — kamtarlik.
  35. Qarining ko‘zi — qozonda.

→ Boshqa mavzular bo’yicha o’zbekcha maqollar