27 ta maqollar qor va yomg’ir haqida

Ushbu sahifada qor va yomg’ir so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Qalovini topsang, qor yonar.
  2. Qor yog‘di — iz bosildi.
  3. Qolgan ishga qor yog‘ar.
  4. Qor — osh bilan non.
  5. Qarimtaning ustiga qor yog’mas.
  6. Tuya o‘yin tushsa, qor yog’ar.
  7. Tog’ning ko’rki qor bilan,
    Erning ko’rki yor bilan.
  8. Har kimning tomiga qor yog‘sa, o‘zi kuraydi.
  9. Qor yerning — ko’rpasi,
    Yomg’ir — yerning sho’rvasi.
  10. Savalab yoqqan yomg‘ir yomon,
    Maydalab yoqqan qor yomon.
  11. Toqqa qalin qor tushgani —
    Yerning qonib suv ichgani.
  12. Qarg’a ketmay, qor ketmas,
    Turna kelmay, muz ketmas.
  13. Qor yog’di — don yog’di,
    Yomg‘ir yog’di — osh yog’di.
  14. Qor yog’di deb sevinma,
    Ayozlari bor.
    Xo’ja keldi deb sevinma,
    Niyozlari bor.
  15. Qor yog’di deb suyunma,
    Qirovlari bor.
    So‘fi keldi deb suyunma,
    So‘rovlari bor.
  16. Tinchlik bilan el ko‘karar,
    Yomg‘ir bilan — yer.
  17. Qordan qutulgan, yomg‘irga tutilar.
  18. Haydan kelgan huvga ketar,
    Yomg‘irdan kelgan suvga ketar.
  19. Jalada qolgan yomg‘irdan qo’rqmas.
  20. Eldan tomgani — yomg‘ir yoqqani.
  21. Ko‘p yomg‘ir yerni buzar,
    Ko‘p gap elni buzar.
  22. O‘tib ketgan yomg‘irning ketidan o‘pkalama.
  23. Qor yerning — ko’rpasi,
    Yomg’ir — yerning sho’rvasi.
  24. Yomg’irdan o‘t-o‘lan o’sar,
    Qo‘shiqdan — ko‘ngil.
  25. Yoz yomg’iri yondan o’tar,
    Qish yomg’iri — jondan.
  26. Yozning yomg‘iridan qo‘rq,
    Qishning — qirovidan.
  27. Yomg‘ir — ekinning joni.

→ Boshqa mavzular bo’yicha o’zbekcha maqollar