33 ta maqollar qo'ni qo'shni haqida
Ushbu sahifada qo'ni qo'shni so'zlari ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.
- Hovli olma, qo'shni ol.
- Yaxshi qo'shni uzoq qarindoshdan yaxshi.
- Qizing bo'y yetsa, qizi yaxshi bilan qo'shni bo'l,
O'g'ling er yetsa, o'g'li yaxshi bilan qo'shni bo’l. - Gilam sotsang, qo'shningga sot,
Bir chetida o'zing o'tirasan. - Yomon bilan yer qo'shni ham bo'lma
Go'r qo'shni ham bo'lma. - Iting yomon bo'lsa, otib qutulasan,
Oting yomon bo'lsa, sotib qutulasan,
Qo'shning yomon bo'lsa, ko'chib qutulasan,
Ering yomon bo'lsa, ketib qutulasan,
Fe'ling yomon bo'lsa, o'lib qutulasan. - Qo'shning tinch — sen tinch.
- Aqlsiz qo'shnidan bitta himmat yaxshi.
- Qo'shni oshi qorin to'ydirmas,
Mehr-u oqibatni oshirar. - Avliyo ham qo'shnisini qo'llar.
- Bir qizga yetti qo'shni — ota-ona.
- Yon qo'shni — jon qo'shni.
- Yaxshi qo'shni — ota-ona,
Yomon qo'shni — boshga balo. - Qiyomat kuni — qo'shnidan.
- Qudangdan qo'y so'rama,
Qo'shningdan uy so'rama. - Qo'shni devor tagini kavlasang,
O'zingga darcha ochilar. - Qo'shni keldi — ko'mak keldi,
Et keldi — suyak keldi. - Qo'shni oshi — qo'shniga qarz.
- Qo'shni qo'shnidan erta turishni o'rganar.
- Qo'shni — qo'shnining bozori.
- Qo'shniga qo'shnining tovug'i ko'rkli ko'rinar.
- Qo'shnida pishar,
Bizga ham tushar. - Qo'shnimning bilgani — hammaning bilgani.
- Qo'shning yomon bo'lsa, yomonlik kelar,
Qo'shning yaxshi bo'lsa — omonlik. - Qo'shnining oshi — totli.
- Qo'shnining oshi — g'avg'oning boshi.
- Qo'shnining tovug'i g'oz ko'rinar,
Kelinchagi — qiz. - Qo'shnisi yaxshi qarimas.
- To'ng'izni moshga o'rgatma,
Qo'shnini — oshga. - Ayrilmas qo'shningga uyatli so'z aytma.
- Kulma qo'shningga,
Qaytib kelar boshingga. - Boy qo'shningdan so'raguncha,
Yo'q uyingni axtar. - O'zingga ehtiyot bo'l,
Qo'shningni o'g'ri tutma.