39 ta maqollar sevgi muhabbat va oshiqlik haqida

Ushbu sahifada sevgi, muhabbat va oshiq so'zlari ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Muhabbat — bitta, ko'z — to'rtta.
  2. Rostlik — muhabbat elchisi.
  3. Bir etikka ikki oyoq sig'mas,
    Bir yurakka — ikki muhabbat.
  4. Davosiz dard — muhabbat.
  5. Muhabbat — bir so'z, ma'nosi — dunyo.
  6. Muhabbat boylikka boqmas.
  7. Muhabbat — dil mevasi.
  8. Muhabbat yosh tanlamas.
  9. Muhabbat muhabbatni tug'dirar.
  10. Muhabbat — uy poydevori,
    Vafo — ustuni.
  11. Muhabbat chiroy tanlamas,
    Uyqu — joy.
  12. Muhabbatning ko'zi — ko'r.
  13. Muhabbatsiz umr — o't olmas ko'mir.
  14. Husn to'yda kerak,
    Muhabbat — kunda.
  15. Bir nafaslik muhabbat,
    Boshga keltirar ofat.
  16. Mard yigitga sevgi sinov.
  17. Gul — hayot bezagi,
    Sevgi — inson bezagi.
  18. Inson sevgi bilan tirik.
  19. Ko'ngil gulini sevgi suvi sug'orar.
  20. Oltin zanglamas,
    Sevgi qarimas.
  21. Sevgi bozorda sotilmas.
  22. Sevgi — bir, makon — ikki.
  23. Sevgi degan ikki ko'zda
  24. Sevgi pulga sotilmas,
    Ko'ngil pulga topilmas.
  25. Sevgida zorlik bor,
    Zo'rlik yo'q.
  26. Sevging oz — umring oz, Sevging soz — umring soz.
  27. Sevging toza — umring toza.
  28. Sevgining bahori bilan shodlanma,
    Yoz-u qishi ham bordir.
  29. Sevgining ko'zi ayb ko'rmas.
  30. Sevgisiz ko'ngil — vayrona.
  31. Sevdim deb maqtanma,
    Sevildim deb maqtan.
  32. Sinadingmi — sev,
    Sinamadingmi — qo'y.
  33. Sinalgan sevgi bukilmas,
    Bukilsa ham so'kilmas.
  34. Sof sevgi sotilmas,
    Yo kesakdek otilmas.
  35. Chin sevgining tili bo'lmas.
  36. Har dilning sevgisi bor.
  37. Ma'shuq qayda bo'lsa,
    Oshiq shunda bo'lar.
  38. Hamma dardga bor davo,
    Oshiqlik dardi — bedavo.
  39. Haqiqiy oshiqlik — ikki yoqdan.

→ Boshqa mavzular bo’yicha o’zbekcha maqollar