25 ta maqollar tenglik va barobarlik haqida

Ushbu sahifada teng, barobar va boshqa shunga o'xshash so'zlar ishtirok etgan o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Tenglik — kenglik.
  2. Teng tengi bilan,
    Tezak qopi bilan.
  3. Tengini topsang, tekin ber.
  4. Ipni ipga qo'sh,
    Tengini — tengiga.
  5. Besh barmoq barobar emas.
  6. Piyoda tuyadagi bilan barobar emas.
  7. Bo'y — bo'ylab,
    Teng — tenglab.
  8. Baxtli bilan bahslashma,
    Tomlik bilan tenglashma.
  9. Yo'ling bilib, yo'ldosh qil,
    Tenging bilib, tengdosh qil.
  10. Teng bo'lmay, duch bo'lmas.
  11. Teng yeganni tangri suyibdi,
    Ortiq yeganni arvoh uribdi.
  12. Tengsiz bilan teng bo'lma.
  13. Bo'ying tengi bilan yurma,
    Aqling tengi bilan yur.
  14. Telba tengi bilan,
    Etagi yengi bilan.
  15. Qo'y bilan bo'ri bir og'ilda yashamas.
  16. Ko'rpangga qarab oyoq uzat.
  17. Tovoqqa qarab oshini ol.
  18. Gul — gulga,
    Tikan — tikanga.
  19. Yog' — yoqqa,
    Go'sht — go'shtga.
  20. Ilon tilini ilon tushunar.
  21. Kar karni bilar,
    Zo'r — zo'rni.
  22. Ko'r ko'r bilan qorong'ida topishar.
  23. Ot tepkisini ot ko'tarar.
  24. O'lim shoh-u gadoga barobar.
  25. Hamma odam — bir odam,
    Hamma maxluq — bir maxluq.

→ Boshqa mavzular bo’yicha o’zbekcha maqollar