34 ta maqollar UY haqida

Ushbu sahifada uy so’zi ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Sarishtali uy — farishtali uy.
  2. O’z uyim — o’lan to‘shagim.
  3. Yolg’iz yog‘och uy bo‘lmas.
  4. Hashar qildim — uy qurdim,
    Unda ko’p hikmat ko‘rdim.
  5. Janjalli uy — azobli go‘r.
  6. Ilmli uy — charog’on.
    Ilmsiz uy — zimiston.
  7. Mehmon kelgan uy — barakali.
  8. Aqlli xotin — uy kо‘rki,
    Chiroyli xotin — ko‘cha ko‘rki.
  9. Qiz bola — uy ziynati.
  10. Epli xotin uyni tutar orasta,
    Epsizda uy to‘ri latta-putta.
  11. O’tirgan qiz uy topar.
  12. Bolali uy — bozor,
    Bolasiz uy — mozor.
  13. Oshsiz uy bor-u janjalsiz uy yo’q.
  14. Ro’zg‘or ziynati — o‘tin,
    Uy ziynati — xotin.
  15. Xotin — uy bezakchisi,
    Er — uy ko‘makchisi.
  16. O‘tinsiz qozon qaynamas,
    Xotinsiz uy yayramas.
  17. Qizli uy — bo‘ston,
    Qizsiz uy — zimiston.
  18. Uyga kelganga uy bo’yi gap aytma.
  19. Qarovsiz uy — tashlandiq o’ra.
  20. Molsiz uy bor, nonsiz uy yo‘q.
  21. Uy siri — yopig’lik qozon.
  22. Uy o’zimniki dema,
    Uy orqasida kishi bor.
  23. Yo’l odami yo’lga yaxshi,
    Uy odami — uyga.
  24. Vaqti yetsa, qush ham bolasiga uya qurar.
  25. Dunyo yorug’ bo’lsin desang,
    Uyingga chiroq yoq.
  26. Yaxshilik qil, uyingga aytma.
  27. Uying tor bo’lsa ham,
    Ko‘ngling keng bo’lsin.
  28. O’zing o’yda bo‘lsang ham, o‘ying uyingda bo’lsin.
  29. Ishlaganing — uyingga,
    O’rganganing — o ‘zingga.
  30. Uying кара bo’lsin,
    Noning katta bo’lsin.
  31. Supurilmagan uyga mehmon kelar.
  32. Baxt kulgu bor uyga kirar.
  33. Kelin kirgan uyga nur kirar.
  34. G‘amli uyga shodlik kelar,
    Kambag’alga — ozodlik.

→ Boshqa mavzular bo’yicha o’zbekcha maqollar