26 ta maqollar vaqt qadri haqida

Ushbu sahifada vaqt qadri haqida o'zbekcha maqollar va hikmatli so'zlar to’plami yozilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Vaqting bor — naqding bor.
  2. Vaqtdan yutding — baxtdan yutding.
  3. Vaqt — omad.
  4. Vaqt — g'animat,
    O'tsa — nadomat.
  5. Ish bilan vaqt tez o'tar.
  6. Barvaqt qilingan harakat,
    Hosilga berar barakat.
  7. Vaqillagan vaqtni o'tkazar,
    Qo'lidan naqdni ketkazar.
  8. Vaqt aqchadur,
    G'ofil bo'lma, qochadur.
  9. Vaqt ketdi — baxt ketdi,
    Toji sari taxt ketdi.
  10. Vaqt tog'ni yemirar,
    Suv toshni kemirar.
  11. Vaqt — qozi.
  12. Vaqting ketdi — baxting ketdi.
  13. Vaqting ketdi — naqding ketdi.
  14. Vaqtli harakat — oxiri barakat.
  15. Yoqut bilan vaqt topilmas,
    Vaqt bilan yoqut topilar.
  16. Yo'qolgan oltin topilar,
    Yo'qolgan vaqt topilmas.
  17. Uch kun barvaqt turgan bir kun yutar.
  18. Ertalabki vaqt — naqdgina baxt.
  19. O'tgan vaqt yo'qolgan oltindan qimmat.
  20. Bola shoshar,
    Tut vaqtida pishar.
  21. Har narsaning vaqti bor,
    Har bir qizning baxti bor.
  22. Har bir ishning vaqti bor,
    Vaqt bilganning baxti yor
  23. Har meva o'z vaqtida pishar.
    Har narsa o'z vaqtida yarashar.
  24. Umr temir bo'lsa ham, bir kun eriydi.
  25. Umr — o'tkinchi mehmon.
  26. Tushlik umring bo'lsa, choshlik harakat qil.

→ Boshqa mavzular bo’yicha o’zbekcha maqollar