24 maqollar xato qilish, xatolar, ayb haqida

Ushbu sahifada xato va ayb so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Xato qilmoq bordir,
    Tuzatmaslik ordir.
  2. Ish bor yerda xato bor.
  3. Xatoning yo’ldoshi — jazo.
  4. Dushman siringni o‘g‘irlar,
    Do‘st xatongni to‘g‘rilar.
  5. Yaxshining xatosi yo’q,
    Nodonning — oshnasi.
  6. Xatosiz mergan bo‘lmas.
  7. Aybi borning tizi qaltirar.
  8. Birovning aybiga ko’z-quloq bo’lma.
  9. Kishi aybiga etak уop.
  10. Aybsiz do‘st izlagan do‘stsiz qolar.
  11. Aybini yashirmoq nodonlar ishi.
  12. Aqlli o‘zini ayblar,
    Aqlsiz — do‘stini.
  13. Nodon o’z aybini ko‘rmay,
    Kishi aybini qidirar.
  14. Aybiga iqror mard kishi,
    Yashirmoq — qo’rqoq ishi.
  15. O‘z aybini bilgan — mard.
  16. Har go’zalning bir aybi bor.
  17. O’z aybingni ochsang,
    Elning mehri qochar.
  18. G’ar o‘ziga esh tortar,
    Yomon aybini birovga ortar.
  19. Avval o‘z aybingni bil,
    So’ngra boshqadan kul.
  20. So‘raganning aybi yo‘q.
  21. Har to‘kisda — bir ayb.
  22. Birovning aybini senga aytgan,
    Sening aybingni ham birovga aytar.
  23. Do‘stning ko‘zi ayb ko‘rmas.
  24. Yo‘ldosh aybini yo’l ochar.

→ Boshqa mavzular bo’yicha o’zbekcha maqollar