17 ta maqollar yoshlik, yoshlar haqida

Ushbu sahifada yosh, yoshlik so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Yoshlik yoshga qaramas,
    Qarilik — sochga.
  2. Yosh chog’im — oltin chog’im.
  3. Yoshlik — beboshlik.
  4. Yoshlikda eksang, qarilikda o‘rasan.
  5. Yoshlikda o’rgangan hunar,
    O‘zingga o’ljaga qolar.
  6. Yoshlikdagi g‘ayrat — keksalikdagi rohat.
  7. Kiyimni yangiligidan saqla.
    Obro’ni — yoshlikdan.
  8. Nomusni yoshlikdan asra.
  9. Ilmi borni yosh dema,
    Ilmi yo‘qni bosh dema.
  10. Ulug‘lik yoshda emas, boshda.
  11. Yoshlikda bilgani — toshga yozgani,
    Qarilikda bilgani — muzga yozgani.
  12. Qarilik davri — qishday,
    Yoshlik davri — yozday.
  13. Yosh yigitning ko‘zi bilan qiz olma.
  14. Nojo’ya ishdan yosh bola ham uyalar.
  15. Yosh zehn — qaynar buloq.
  16. Yosh kelsa — ishga,
    Qari kelsa — oshga.
  17. Yosh ketaman deb qo‘rqitar,
    Qari — o’laman deb.

→ Boshqa mavzular bo’yicha o’zbekcha maqollar