18 maqollar: baxil, qizg’anchiq, xasis, ziqna haqida

Ushbu sahifada baxil, qizg’anchiq, xasis, ziqna so’zlari ishtirok etgan maqollar to’plami joylashtirilgan. Foydalanilgan manba: «O’ZBEK XALQ MAQOLLARI, 2005, SHARQ» kitobi.

  1. Boyning molini baxil qizg‘anar.
  2. Qizg’anganing qizil itga yem bo’lar.
  3. Qizg’anchiq buzoq emgan uloqni ko‘rolmas.
  4. Qizg‘anchiqdan ortar, mechkaydan ortmas.
  5. Baxil ehsondan qochar,
    Xasis mehmondan qochar.
  6. Xasis to’y qilsa, bakovul bo‘lma.
  7. Xasisdan tuxum olsang, sarig’i chiqmas.
  8. Xasisning pulidan yulduz yaqin.
  9. Qamish suvga to’уmas,
    Xasis — pulga.
  10. Ziqnanikiga mehmon kelmas,
    Kelsa ham ovqat yemas.
  11. Shabnamga quduq to’lmas,
    Dunyoga baxil to’ymas.
  12. Patirdan qil chiqmas,
    Baxildan pul chiqmas.
  13. Yerdan sado chiqsa chiqar,
    Baxildan sado chiqmas.
  14. Baxilning hurmati bo‘lmas.
  15. Baxilning qo’lida oy bo’lsa,
    Olamni yoritmas.
  16. Baxilning tuzi tatimas.
  17. Baxilning ko’zasidagi suvdan na foyda.
  18. Baxil to‘ymas,
    Baxilligini qo’ymas.

→ Boshqa mavzular bo’yicha o’zbekcha maqollar