Исмлар руйхати ва маъноси кизлар учун

• A •

  • Адиба     —    ёзувчи қиз, зиёли, илмли, ижодкор, илҳом излаган, назокатли, тарбияли, одобли, намунали, иффатли қиз. Арабча.

  • Азиза      —    қадрли, қимматли, табаррук, ҳурматли ёки қудратли, иззатли, ноёб. Арабча.

  • Акифа     —    ғайратли, шижоатли, художўй қиз. Арабча.

  • Алима     —    билимли, ақл-заковатли, дилкаш қиз. Арабча.

  • Анора      —    қизил ҳолли, норли қиз. Форс-тожикча.

  • Асал         —    асалдек ширин, тотли, яъни ёқимтой, суюкли, севимли қиз. Арабча.

  • Асила       —    аслзода, насли тоза қиз, соф, покиза, қалби ғуборсиз, бенуқсон қиз. Арабча.

  • Аслия       —    соф, покиза, тоза; аслзода. Арабча.

  • Асолат      —    асллик, аслзода, зоти пок ёки пухта, мустаҳкам. Арабча.

  • Афзуна     —    зиёда, ортиқ, юксак тутувчи. Юқорига интилган, қадрли, қимматли. Эътиборга лойиқ, юксак мартабали. Форс-тожикча.

  • Афруза      —   ойдек равшан, қуёш нуридек порлоқ, шулъадор, ёндирувчи, оташин. Рўза ойида туғилган чиройли, ойдек қиз. Форс-тожикча.

• Б •

  • Барно         —   ёш, навқирон, чиройли, ҳушбичим, ҳушқад. Арабча.

  • Барчиной, Ойбарчин ой юзли, ой чеҳрали қиз, иболи, ҳаёли, оқкўнгил, қалби пок, тоза. Ўзбекча.

  • Бинафша   —   бинафша гулдек кўркам, нафис, сулув қиз. Ўзбекча.

  • Бегойим     —   беклар, аслзодалар авлодига мансуб, олий насаб, виқорли, мартабаси баланд қиз. Форс-тожикча.

• В •

  • Вазира      —   улғайиб вазира, мартабали, обрўли бўлсин маъносида ният қилиб қўйилади. Эрининг солиҳа ёрдамчиси бўлсин маъносида ҳам. Арабча.

  • Валия        —   тақводор, иймону-эътиқодли, художўй аёл. Арабча.

  • Васлия      —   висолга, мурод-мақсадга, орзу-умид, гўзал ҳавасга интилувчи, эришувчи қиз. Арабча.

  • Висола      —   тилаб, сўраб юриб эришилган, кутиб етишилган қиз ёки ҳуснижамол, гўзал, латофатли, сулув, чиройли қиз. Арабча.

 

• Г •

  • Гавхар         —      гур, марвариддек бебаҳо қиз ёки асл, аслзода. Форс-тожикча.

  • Гуласал       —      гулдек гўзал, чиройли, нафис, латофатли ва болдек ширин, ёқимтой суюкли, азиз қиз. Арабча, форс-тожикча.

  • Гулбахор     —      баҳор гули, кўклам чечагидек дилбар, сулув, соҳибжамол, гўзал қиз, баҳорда уйғониш даврида туғилган қиз. Ҳаёти гулдек чиройли бўлсин маъносида. Форс-тожикча.

  • Гулжамол   —     гулдек гўзал ҳусн соҳиби, ҳусни жамоли гулдек зебо қиз. Арабча, форс-тожикча.

  • Гулжахон    —     бахтли кунлар, яъни бахтли, саодатли кунда туғилган. Ҳаётда бахтиёр, иқболи, порлоқ, толеи баланд бўлсин. Форс-тожикча.

  • Гулзира        —     зира гулидек ёқимтой қиз. Форс-тожикча.

  • Гулзода         —    гўзаллар наслига мансуб, ҳурлиқолар авлодидан бўлган қиз, гулдек нафис, латофатли, зебо ва сулув. Форс-тожикча.

  • Гуллола        —    лоладек, лолагулдек чиройли қиз, лолалар очилганда туғилган қиз. Форс-тожикча.

  • Гулноза         —    гул каби нафис, нозик ва нозли, жилвали гул, ёҳуд гўзал ва нозли қиз. Форс-тожикча.

  • Гулнора        —    анор гулидек зебо, гул чеҳрали қиз ёки анор гуллаганда туғилган қиз. Форс-тожикча.

  • Гулой             —    гулдек ва ойдек зебо қиз ёки гулдек яшнаган ва ойдек нурли, кўркам қиз. Форс-тожикча, ўзбекча.

  • Гулраъно      —   қизил гулдек кўркам, гўзал, нафис, соҳибжамол, ўзидан чирой таратувчи қиз. Арабча, форс-тожикча.

  • Гулсора         —    сараланган, танланган гул, гулларнинг сараси, аълоси, энг яхши қиз. Форс-тожикча.

  • Гулчехра       —   гул юзли, ҳушрўй, соҳибжмол, чиройли, мафтункор, истарали, гўзал чеҳрали сулув қиз. Форс-тожикча.

  • Гўзал              —   чиройли, зебо, сулув, латофатли, жозибали, назокатли. Форс-тожикча.

• Ғ •

Афсуски, айни вақтда, бизларда Ғ харфига хечнарса йўқ


• Д •

  • Даврия           —    давр фарзанди, замон қизи. Арабча.

  • Дилафруз      —    дилни қувонтирувчи, шодлантирувчи, дил гули, дилни очувчи, яйратувчи, кўнгилга ҳузур, шодлик бахш этувчи, кайфиятни кўтарувчи. Форс-тожикча.

  • Дилбар           —    ёқимли, ёқимтой, кўнгилни олувчи, мафтун қилувчи, гўзал, суюкли, зебо. Форс-тожикча.

  • Дилдора         —    дилдан севилган, чин муҳаббат соҳибаси, дилни ром қилувчи ёки раҳмдил, жасур, довюрак. Форс-тожикча.

  • Дилноза         —    ишвали, нозли қалб эгаси, нозик, нафис дил соҳиби. Форс-тожикча.

  • Дилором        —    кўнгилга таскин, ором берувчи, ҳузур-ҳаловат, осойишталик бахш этувчи; суюкли, севимли қиз. Форс-тожикча.

  • Дилрабо         —    дилни тортувчи, қалбни мафтун этувчи, жозибали, латофатли, назокатли, кўнгилни жалб қилувчи, суюкли, ёқимтой, оқкўнгил, гўзал қиз. Форс-тожикча.

  • Дилсўз            —    жонкуяр, меҳрибон, мушфиқ, дилдаги гапларнинг эгаси, чин сўз. Форс-тожикча.

  • Дилфуза         —    дилфируза исмнинг ўзгартирилган шакли. Дилни ёритувчи, кўнгилга, қалбга шодлик, қувонч олиб келувчи, шавқ бағишловчи, тенгсиз, кўркам. Форс-тожикча.

  • Диёра              —     ўлка, замин, она юртнинг вафодор, фидокор, элим, юртим деб яшовчи фарзанд. Арабча.

  • Дурдона          —    инжу донаси, аъло марварид; энг азиз, қадрли, чиройли, нафис, сулув қиз. Арабча, форс-тожикча.

• Е •

Афсуски, айни вақтда, бизларда Е харфига хечнарса йўқ


• Ё •

  • Ёрқиной        —       ҳаёти нурли ва ойдек сулув қиз ёки меҳрибон дилкаш қиз. Ўзбекча.

 

• Ж •

  • Жамила        —      гўзал, соҳибжамол, мафтункор, нафис, сулув қиз. Арабча.

  • Жасмина      —      жаннатнинг гули, жаннатда ўсувчи гулнинг номи, ҳушбўй, ифори кучли чиройли гул. Форс-тожикча. (арабча-Ясмина)

  • Жумагул       —     жума куни туғилган гулдек сулув, зебо, гўзал қиз. Арабча, форс-тожикча.

• З •

  • Зайнаб      —         тўлачадан келган, семиз, дуркун; келишган, гўзал. Зайнаб номи Пайғамбаримиз Муҳаммад (с.а.в.) қизларининг исми бўлган. Арабча.

  • Зайнура    —         гўзал, зебо қиз. Арабча.

  • Замира      —         олийжаноб, виждонли, покдомон, иболи, ифффатли, покиза қиз. Арабча.

  • Зарина       —        зарли, олтинли, зарланган, заррин, чиройли, гўзал, кўз қамаштирувчи ҳусн соҳибаси, сулув қиз. Форс-тожикча.

  • Зарнигор   —        тиллога безанган, зебланган, бебаҳо, қадри баланд, заррин ёки сочлари тиллодек жилвали, товланиб турувчи, чиройли, мафтункор қиз. Форс-тожикча.

  • Зарифа       —        покиза, маъсума, иффатли, нозик таъб, фаҳм-фаросатли, ақлли, ориятли, ҳаё-иболи, мунис, хушфаҳм қиз. Арабча.

  • Захро           —        ёрқин, равшан, оқ юзли. Нурли, порлоқ, нур таратувчи ёки интилувчи, ҳавас қилувчи, олдинга интилувчи. Арабча.

  • Зебинисо    —       аёлларнинг энг гўзали, зебоси, зебу-зийнати, латофати, жозибали, мафтун қилувчи, ўзига ром этувчи чиройда тенг йўқ қиз.  Арабча, форс-тожикча.

  • Зебо              —       чиройли, гўзал, сулув, ҳусни жамоли нафис қиз. Форс-тожикча.

  • Зулфия        —       сочи ўралиб туғилган, жингалак, жилвакор сочли қиз, сулув, латофатли, мафтункор зебо. Форс-тожикча.

  • Зиёда            —       қизлари етарли (зиёда) бўлди, эндигиси ўғил бўлсин ёки умри зиёда, узун бўлсин, бахтли бўлсин. Баданда ортиқча белгиси, ортиғи бўлса ҳам бу исм қўйилади. Арабча.

  • Зилола         —       тиниқ булоқ сувидек покиза, соф, тоза, беғубор оқила қиз. Арабча.

  • Зиннура       —       нурли, равшан, чиройли, дилбар қиз. Арабча.

  • Зироат          —       ҳосил, ҳосила. Мўл-кўлчилик, қут-барака олиб келувчи қиз. Арабча.

  • Зохида          —       диндор, художўй, мўмина аёл. Арабча.

  • Зулайхо        —       кичик, кенжа қиз. Исм маъноси турли кўринишда келади. Баъзилар сирғанчиқ, силлиқ, мулойим деб ҳам талқин қилишган. Юсуф пайғамбарнинг аёлларининг исми бўлган. Арабча.

  • Зулхумор     —        хуморли, қўмсалган, орзиқиб, интизор бўлиб кутилган қиз ёки дилбар, мафтункор, жозибали, ишвали, ўзига ром этувчи. Арабча.

  • Зумрад          —       яшил тусли қимматбаҳо тош, зумраддек қимматли, бебаҳо, ноёб, зебо, латофатли, сулув қиз ёки кўк кўзли қиз. Форс-тожикча.

• И •

  • Ирода      —   истаб орзу қилиб эришилган қиз ёки Аллоҳнинг иродаси, муруввати бўлган қиз, ёҳуд иродали, чидамли қиз. Арабча.

  • Иффар    —   покиза, маъсума, бокира қиз. Арабча.

  • Ифора     —   ҳушбўй, ёқимли ифорли, нафис ҳид таратувчи. Ўзбекча.

• Й •

Афсуски, айни вақтда, бизларда Й харфига хечнарса йўқ


• К ва Қ •

  • Камола     —   камолга эришган етук, зебо, кўркам, мукмал инсон. Ўзбекча.

  • Карима     —   саҳоватли, саҳий, қўли очиқ, меҳрибон, раҳмли, қалби пок қиз. Арабча.

  • Комила     —   баркамол, етук, бекаму-кўст, намунали, ибратли қиз. Арабча.

  • Кумуш       —   кумушдек ёрқин, қадрли, қиз ёки оқ юзли оқбадан гўзал қиз. Ўзбекча.

• Л •

  • Лайло        —      тунда туғилган қиз ёки нилуфар (сафсан)дек гўзал қиз. Қадимий яҳудий тилида: Лилия – Сафсангул. Арабча.

  • Латофат    —     назокатли, меҳрибон, латофатли, покиза, шавқатли, зебо қиз. Арабча.

  • Лола           —     лоладек яшнаган, нафосатли, чиройли. кўркам, гўзал қиз ёки лолалар очилган пайитда туғилган қиз. Форс-тожикча.

  • Лобар         —     гўзал, кўркам, келишган, ёқимтой, нафис, ҳушфеъл, дилкаш қиз. Арабча.

  • Лутфия      —     меҳрибон, дилкаш, раҳмдил, кўнгли пок қиз. Арабча.

• М •

  • Мавлуда      —     ҳосиятли, яхши, муқаддас кунда туғилган қиз, умрида яхши кунлар кўп бўлсин, ҳаёти чиройли ўтсин. Арабча.

  • Мадина        —    Саудия Арабистонидаги муқаддас шаҳар, зиёратгох бўлган Мадинаи Мунаввара исмидан олинган исм. Арабча.

  • Малика        —    подшоҳнинг авлодига мансуб улуғ мартабали аёл. Шоҳбону, гўзаллар гўзали, маҳвашлар маҳваши, заковатли соҳиба. Маликалардек обрў-эътиборли бўлсин маъносида ҳам қўйилади. Ушбу исм соҳибаларидан бири Амир Темурнинг хотини, катта малика — Сароймулкхоним, Қозонхоннинг қизидир. Арабча.

  • Малохат       —    гўзал, сулув, нафосатли, дилкаш, малоҳатли, кўркам қиз. Арабча.

  • Маржона      —    дур, инжу, марваридлар тизими, қизил рангли йирик мунчоқ, маржондек қимматбаҳо ва сулув қиз. Форс-тожикча.

  • Мастура        —    беркитилган, ёпиқ юзли, ҳалол, пок, тоза, пардали, иффатли, ҳаёли, иболи қиз. Арабча.

  • Мафзуна       —    латофатли, чиройли, гўзаллар ичида ягона, сулув ва нафосатли қиз. Арабча.

  • Мафруза       —    танлаб, сайлаб олинган. Арабча.

  • Махсума        —    соф, покиза, гуноҳсиз. Арабча.

  • Машхура       —    таниқли, обрў-эътиборли, одамлар назарида бўлган, ҳурматли, эъзозли қиз. Арабча.

  • Маъмура        —   бахтли, насибали, фаровон яшовчи; бошқарувчи, етакчи, йўл кўрсатувчи, бошлиқ. Арабча.

  • Мақсуда          —   орзу қилинган, орзиқиб кутилган қиз. Арабча.

  • Махбуба         —    суюкли, қадрли, азиз дўст, дилбар, дилкаш, кўнгли тоза, севилган, дилбар қиз. Арабча.

  • Махфуза         —   ҳимояланган, муҳофазага олинган ёки қўрғон, қаср, қалъадек мустаҳкам бақувват, енгилмас. Арабча.

  • Мохигул         —   ойдек сулув, чиройли ва гул каби кўркам қиз, ойнинг чеккасидаги гул. Форс-тожикча.

  • Мохидил        —   ойдек гўзал, мафтункор, сулув, қалби пок, дили тоза, гўзал, фазилатли қиз. Форс-тожикча.

  • Мохина           —   ойга ўхшаш, оймонанд, нафис, нозик ёки янги ой чиққан пайтда туғилган ёки янги ойдек сулув қиз. Форс-тожикча.

  • Мохинур         —   ойнинг нури, ойдин, ойдиндек покиза, сулув, чиройли, ойдек гўзал қиз. Арабча, форс-тожикча.

  • Мохира            —  маҳоратли, устамон, пухта, пишиқ, қўли гул, эпчил, чаққон, озода ва саранжом қиз. Арабча.

  • Муаззам           —  ҳурматли, эъзозли, қадрли, эътиборли қиз. Арабча.

  • Муаттар            —  хушбўй, ёқимли ҳид тарқатувчи, атир сочувчи, муаттар ҳидли. Арабча.

  • Мубина             —  жозибали, истараси иссиқ, лобар, очиқ чеҳрали, ростгўй, латофатли, зебо қиз. Арабча.

  • Музайяна         —  безанган, зийнатланган, ораста. Арабча.

  • Муқаддам         —  олдинда борувчи, пешво ёки оиладаги илк, биринчи бола. Арабча.

  • Муқаддас          —  табаррук, азиз, қадрли ёки покиза, соф, бенуқсон, озода, қутлуғ. Арабча.

  • Мумтоз              —  танланган, сараланган, зўр. Арабча.

  • Муниба              —  тўғри йўл (дин йўли)га кирувчи; художўй, оқила инсон деган манони англатади. Арабча.

  • Мунира              —  нурли, равшан, гўзал, зебо, бахтли, саодатманд, нур сочувчи, юзидан нур таралувчи, зебо қиз. Арабча.

  • Муниса               —  дўст, ўртоқ, сирдош; содиқ дўст. Арабча.

  • Муслима            —  мусулмон, художўй аёл, солиҳа, Аллоҳга итоат этувчи мўмина қиз. Арабча.

  • Мухлиса             —  оқкўнгил қиз, художўй, муслима, мўмина қиз. Арабча.

  • Мухсина             —  меҳрибон, яхшиликлар қилувчи, мурувватли, ҳайирли амалларга интилувчи, раҳмдил қиз. Арабча

  • Муштарий         —  Юпитер сайёрасининг номи ёки бирор нима сотиб олувчи, харидор. Арабча.

  • Муяссар              —  орзу қилиб юриб эришилган; Аллоҳ эриштирган, совға қилган, муяссар қилган қиз. Ҳаётидаги барча орзулари, ниятлари муяссар бўлиб ижобат бўлсин маъносида ҳам қўйилади. Арабча.

• Н •

  • Наргиза      —     наргис (бўтагул) дек нозик, нафис, зебо, гўзал қиз, ифори таралувчан. Ўзбекча.

  • Насиба        —     ризқу-рўзли, насибали қиз. Умри тўкин-сочинликда, бекаму-кўст ўтсин, насибали бўлсин маъносида. Арабча.

  • Нафиса       —     нафис, нозик, гўзал, нафосатли, латофатли, фойда келтирувчи, яхшиликлар қилувчи. Арабча.

  • Нигора        —    гўзал чеҳрали, соҳибжамол, ўзига ром этувчи, мафтункор, латофатли, жозибали, гўзал, зебо, тенгсиз ҳусн соҳибаси, ёқимтой. Форс-тожикча.

  • Нилуфар      —   нилуфар (савсан) ўсимлигидек чиройли, зебо қиз, ўзига мафтун этувчи. Ўзбекча, ҳиндча.

  • Нодира         —   тенги йўқ, ягона, тенгсиз, бебаҳо, беназир, нодир, бетакрор, беқиёс гўзаллик соҳибаси гўзал, латофатли, зебо қиз. Арабча.

  • Нозима         —   тартибга, интизомга риоя қиладиган, яъни тартибли, саришта. Арабча.

  • Ноила            —   орзу қилинган, интиқиб кутилган қиз. Аллоҳ берган совға, туҳфа. Арабча.

  • Нурия            —   бахтли, шодон қиз, ҳаёти нурли равшан; ўзидан нур сочувчи, офтобдек қувончли қиз. Арабча.

• О •

  • Озода      —   эркин, ихтиёри ўзида; бахтли, бахтиёр ёки тоза, покиза, саранжом, тартибли, бегуноҳ, беғубор. Баъзи манбаларада сахий, оқ кўнгил, қалби пок деб ҳам изоҳланади. Форс-тожикча.

  • Ойгул       —  ойдек сулув, гўзалликда ёрқин, гулдек зебо, нафис, чиройли, мафтункор, истарали қиз. Ўзбекча, форс-тожикча.

  • Ойнур      —  ой ёғдусидек гўзал, покиза; нурафшон қиз. Арабча, ўзбекча.

  • Ойша        —  яшовчи, барҳаёт, умри узоқ, ҳаёти нурли қиз. Бу исм Муҳаммад (с.а.в.)нинг аёллари Ойша (р.а.) исмлари бўлган. Арабча.

  • Олия         —  юксак, олий, улуғ; эъзозли, иззатли, улуғвор, мартабали, эътиборли. Арабча.

  • Омина       — омонликда сақланувчи, яъни муҳофаза қилинган ишончли равишда қўриқланган, дахлсиз ёки ростгўй, вафодор. Омина — Муҳаммад (с.а.в.) онасининг исми бўлган. Арабча.

  • Орзу          —  ота-онасини орзусига эриштирган, мақсадига етказған ёки орзиқиб кутилган қиз. Форс-тожикча.

  • Осиё          —  тегирмон ёки Осиё қизи, Осиё фарзанди. Форс-тожикча.

• П •

Афсуски, айни вақтда, бизларда П харфига хечнарса йўқ


• Р •

  • Раёна, Раййона        —      Раййон-жаннат эшикларидан бири. Бу эшикдан фақат рўза тутганлар киритилади. Арабча.

  • Райхона      —    нозбўй, ифорли, райҳондай ёқимтой, ёқимли, нафис, жозибали қиз. Муҳаммад (с.а.в.)нинг аёлларидан бирининг номи. Арабча.

  • Рамзия        —    тимсол, ўрнак, намуна. Арабча.

  • Расифа, Расиха        —       чидамли, маҳкам, иродали қиз ёки покиза, озода қиз. Арабча.

  • Раъно           —    қизил гулдек гўзал, чиройли, латофатли, раъно гулдек сулув, пурлатофат қиз. Арабча.

  • Робия            —   оиладаги тўртинчи бола ёки ҳижрий ой ҳисобининг тўртинчи кунида туғилган бола. Арабча.

  • Розия            —   мамнун ёки мақбул тушувчи, маъқул келувчи; ёқимли, суюкли, эъзозли, қадрли; розилик, шукроналик, итоатгўйлик, мамнунлик баҳш этган. Арабча.

• С •

  • Сабохон     —    тонг эли, шабадаси; ёқимли, мулойим ёки саҳар пайтида туғилган бола. Арабча.

  • Сабохат     —    кўркамлик, гўзаллик, малоҳат, оқ юзли гўзал, сабо тонги шабадаси, нафислик чиройи. Арабча.

  • Садоқат     —    вафодор, содиқ, чин самимий дўст, ишониш, суяниш мумкин бўлган яқин инсон. Арабча.

  • Саида         —    бахтли, омадли, толеи баланд, иқболи порлоқ, саодатманд қиз. Арабча.

  • Сайёра       —    тез ҳаракат қилувчи юлдуз; сайёра планетаси ёки толеи баланд, иқболи порлоқ, бахтли-саодатли қиз. Арабча.

  • Салима      —    соғлом, умри узоқ қиз ёки самимий, дилкаш, кўнгли очиқ, вафодор қиз. Арабча.

  • Самина      —    қадрли, иззат-обрўли қиз ёки Самин (гул)дек чиройли, зариф, латофатли қиз. Арабча.

  • Самира       —    суҳбатдош, ҳамсуҳбат, ширинсўз, дилкаш ва кўнгли очиқ қиз. Арабча.

  • Самия        —     зийрак, сезгир, доно қиз. Арабча.

  • Санобар     —     ҳушқомат, чирой, дарахтнинг номи, санавбардек гўзал, келишган, ҳушбичим, сулув қоматли қиз. Арабча.

  • Саодат        —    бахтли, саодатли, бахтиёр, иқболи порлоқ, толеи балнд қиз. Арабча.

  • Сарвиноз   —    тик қоматли, бўй-басти келишган, сарв дарахтидек келишган ва нозик қиз. Форс-тожикча.

  • Сафия         —    ақл, донишмандлик ёки арабча София — соф, покиза, покдомон, маъсума, иффатли. Пайғамбаримиз Муҳаммад (с.а.в.)нинг ўн учинчи аёлларининг исми бўлган. Арабча, яҳудийча.

  • Сафура        —   юлдуз, ёруғ юлдуз; ёрқин, порлоқ; шукуҳли, ҳашаматли, мағрур ёки сочлари сариқ қиз. Арабча.

  • Сахида         —   тўғри, барваста қадли, гўзал қоматли. Арабча.

  • Севара          —  суюкли, ёқимтой, қадрли азиза қиз. Ўзбекча.

  • Ситора         —   юлдуз, бахтли, омадли, чиройли, толеи баланд қиз, юлдуз каби порлоқ. Арабча.

  • Сожида        —   сажда қилувчи, тақводор, Аллоҳга сиғинувчи, муслима мўмина қиз. Арабча.

  • Солиха         —   салоҳиятли, покиза, озода ёки диёнатли, тақводор, художўй, муслима қиз. Арабча.

  • Сохиба          —   уйнинг эгаси, бекаси, маликаси ёки дўст, ҳаётдаги содиқ йўлдош, суюкли рафиқа, севилган ёр. Арабча. 

• Т •

  • Тахмина      —   кучли, қудратли; жасур. «Шоҳнома» асари қаҳрамони Суҳробнинг онасини исми. Арабча.

• У •

  • Умида      —   орзу қилинган, умид билан кутилган қиз ёки яшаб кетишига умид қилинган қиз. Арабча.

  • Умрия      —   узоқ умр яшаб ҳаёти баракали, чиройли ўтсин ҳамда қалби тоза покиза қиз маъносида қўйилади. Арабча.

• Ў •

Афсуски, айни вақтда, бизларда Ў харфига хечнарса йўқ


• Ф •

  • Фазилат      —    яхши ҳислатлар эгаси, гўзал хулқи билан бошқалардан афзал, устун турувчи. Арабча.

  • Фарангиз    —    нур сочувчи, зиёкор ёки гўзал, суюкли, шуъла сочувчи гўзал қиз. Форс-тожикча.

  • Фарида        —    бебаҳо, нодир, ноёб, марварид ёки пардали бўлиб туғилган қиз. Арабча.

  • Феруза          —    бахтли, иқболи баланд, толеи порлоқ, саодатли қиз ёки фируза (кўк тусли товланувчи қимматбаҳо тош)дек азиз, қимматли, қадрли, бебаҳо, чиройли, зебо, нафис; нурли нур сочувчи. Форс-тожикча.

  • Фотима         —    фатиат — кўкракдан ажратилган. Бу ном Муҳамммад (с.а.в.)нинг кенжа қизларининг исми бўлган. Эгизак қизлар туғилганда каттасини Фотима деб номлаш миллатимизда урфга айланган. Арабча.

• Х ва Ҳ •

  • Халима     —    мулойим, меҳрибон, раҳмдил, меҳрли, шафқатли, хушмуомала, беозор, суюкли қиз. Пайғамабаримиз Муҳаммад (с.а.в.)га оқ сут берган аёлнинг исми. Арабча.

  • Ханифа     —    ростгўй, покиза, содиқ ёки меҳрибон, ғамхўр. Арабча.

  • Хилола      —    янги ойдек кўркам қиз ёки янги ой чиққанида туғилган гўзал ҳуснли қиз. Арабча.

  • Хосият       —    яхши сифатлар, фазилатлар, гўзал ҳислатлар эгаси ёки омадли, иши юришган ёки хосиятли кунда туғилган қиз. Арабча.

  • Хуршида    —   қуёшдек ҳусну жамол соҳибаси бўлган гўзал, сулув латофатли, зебо; офтобмонанд қиз, қуёш фарзанди. Форс-тожикча.

  • Хуснида      —   ҳусниддин исмига қиёсан ясалган исм. Гўзал ва чиройли хусн эгаси бўлсин деган ниятда. Арабча.

  • Хусния         —  гўзал чеҳрали, чиройли, латофатли, мафтункор юзли, зебо қиз. Арабча.

  • Хуснора       —  безанган, ўзига қараган, зебо қиз; ҳуснда тенгсиз, ўзига муносиб бўлган, мос тушган гўзал ҳусн, чирой ва латофат соҳибаси. Арабча, форс-тожикча.

• Ц •

Афсуски, айни вақтда, бизларда Ц харфига хечнарса йўқ


• Ч •

Афсуски, айни вақтда, бизларда Ч харфига хечнарса йўқ


• Ш •

  • Шахзода      —     шоҳ фарзанди, шоҳлар наслига мансуб қиз. Юқори мартабали, меҳрибон, кўнгли тоза обрў-эътиборли бўлсин. Форс-тожикча.

  • Шахина        —     шоҳлар авлоди вакилларидек мард, жасур, зийрак, довюрак, қўрқмас қиз. Форс-тожикча.

  • Шахло           —     катта қора кўзли қиз, қора кўзли гўзал, чиройли, сулув, мафтункор қиз. Арабча.

  • Шахноза       —     шоҳона, бекларча ёки нозли карашмали, латофатли. Шоҳлар, аслзодалар авлодига мансуб нозик ва зебо гўзал қиз. Форс-тожикча.

  • Шахризода   —     шоҳлар, аслзодалар наслига мансуб кўркам, чиройли қоматли қиз; подшоҳзода, шоҳзода, виқорли. Форс-тожикча.

  • Ширин           —     тотли, чучук, лаззатли. Азиз, ёқимли, суюкли. Форс-тожикча.

  • Шодия            —     шодон, қувноқ, бахтиёр қиз. Шодлик, хурсандчилик куни туғилган қиз. Одамларга шодлик олиб келувчи. Форс-тожикча.

  • Шоира             —     сўзга чечан, ширинсухан, нотиқа қиз бўлсин. Улғайиб шоира бўлиб шеърлар ижод қилсин маъносида. Форсча Шаэрэ      — «шоир аёл» дан келиб чиққан. Арабча.

• Ъ •

Афсуски, айни вақтда, бизларда Ъ харфига хечнарса йўқ


• Ь •

Афсуски, айни вақтда, бизларда Ь харфига хечнарса йўқ


• Э •

  • Эъзоза      —     ҳурматга, иззат-икромга, эъзозланишга сазовор қиз. Арабча.

• Ю •

  • Юлдуз      —     юлдуздек ёруғ юзли, нурли, чиройли, латофатли ва сулув қиз. Толеи юлдуздек юксак ва иқболи порлоқ, ҳаёти нурга тўла бўлсин. Ўзбекча.

 

• Я •

  • Ясмина    —    жаннатнинг гули, жаннатда ўсувчи гулнинг номи, ҳушбўй, ифори кучли чиройли гул. Арабча. (форс-тожикча-Жасмина)

 

ЎҒИЛ