Стихи на узбекском языке про Родину / Узбекистан
Здесь собраны узбекские стихи для детей о Родине, об Узбекистане. Чтобы было легче учить, стараемся найти короткие и маленькие детские стихотворения на узбекском языке, но это не всегда получается. Для удобства, каждый стих про Родину, про Узбекистан — в начале написан латинскими буквами и сразу под ней идет вариант с кириллическими/почти русскими буквами. Приятного просмотра!
Чтобы посмотреть русский перевод, можно воспользоваться следующими сервисами: Yandex Translate | Google Translate
1. Стих про Узбекистан / про Родину: «Aytgil do'stim»
Boshing egib, ta’zim ayla, shukrona ayt,
Seni guldek erkalagan chaman uchun.
Osmonlarda yurgan bo‘lsang, tuproqqa qayt,
Aytgil, do‘stim, nima qildik Vatan uchun?
Ko‘zi qora, yuragi oq shu el uchun,
Tuproq uchun, shu yurt uchun, chaman uchun,
Ulug‘ inson boshlab bergan shu yo‘l uchun,
Aytgil, do‘stim, nima qildik Vatan uchun?
Eldan ketib, el bo‘lganni kim biladi?
Don axtargan go‘shtxo‘rlarga yem bo‘ladi.
Dil qonasa, ona tuproq em bo‘ladi,
Aytgil, do‘stim, nima qildik Vatan uchun?
Qachongacha qorning o‘ylab o‘tadirsan?
Qachongacha ko‘kdan chalpak kutadirsan?
Axir Vatan bitta, sen ham bittadirsan,
Aytgil, do‘stim, nima qildik vatan uchun?
Buncha bino qo‘yma zarrin choponlarga,
Saratonda yaproq bo‘lgin dehqonlarga,
Suyangani tayoq bo‘lgin cho‘ponlarga,
Aytgil, do‘stim, nima qildik Vatan uchun?
Hech kimdan kam emassan, kam bo‘lmagaysan,
Yerda qolsang, oftob bo‘lib kulmagaysan.
Qachon belni mahkam tortib bog‘lagaysan?
Aytgil, do‘stim, nima qildik Vatan uchun?
Shu soylardan suvlar urgin yuzingga sen,
Bir bor nazar solgin bosgan izingga sen,
Shu savolni berib ko‘rgin o‘zingga sen,
Aytgil, do‘stim, nima qildik Vatan uchun?
(Автор Iqbol Mirzo)
—
Почти русскими буквами (кириллица):
Бошинг эгиб, таъзим айла, шукрона айт,
Сени гулдек эркалаган чаман учун.
Осмонларда юрган бўлсанг, тупроққа қайт,
Айтгил, дўстим, нима қилдик Ватан учун?
Кўзи қора, юраги оқ шу эл учун,
Тупроқ учун, шу юрт учун, чаман учун,
Улуғ инсон бошлаб берган шу йўл учун,
Айтгил, дўстим, нима қилдик Ватан учун?
Элдан кетиб, эл бўлганни ким билади?
Дон ахтарган гўштхўрларга ем бўлади.
Дил қонаса, она тупроқ эм бўлади,
Айтгил, дўстим, нима қилдик Ватан учун?
Қачонгача қорнинг ўйлаб ўтадирсан?
Қачонгача кўкдан чалпак кутадирсан?
Ахир Ватан битта, сен ҳам биттадирсан,
Айтгил, дўстим, нима қилдик ватан учун?
Бунча бино қўйма заррин чопонларга,
Саратонда япроқ бўлгин деҳқонларга,
Суянгани таёқ бўлгин чўпонларга,
Айтгил, дўстим, нима қилдик Ватан учун?
Ҳеч кимдан кам эмассан, кам бўлмагайсан,
Ерда қолсанг, офтоб бўлиб кулмагайсан.
Қачон белни маҳкам тортиб боғлагайсан?
Айтгил, дўстим, нима қилдик Ватан учун?
Шу сойлардан сувлар ургин юзингга сен,
Бир бор назар солгин босган изингга сен,
Шу саволни бериб кўргин ўзингга сен,
Айтгил, дўстим, нима қилдик Ватан учун?
(Автор Иқбол Мирзо)
2. Стих про Узбекистан / про Родину: «O'zbekiston»
Qalblarda ko’p orzu-armon
Yashagin,deb alvon-alvon
Ter to’kamiz marjon-marjon
Mehribonim O’zbekiston
Taratib olamga shoning
Xirmonlardan toshsa doning
Nurday kulsa shirmon noning
Onajonim,O’zbekiston
Umidingmiz,bizga ishon
Ilmu fanda topib imkon
O’sib,yuzlab ochgaymiz kon
Jonajonim O’zbekiston
Dadil qadam tashlagaysan
Jahonaro yashnagaysan
Xalqni baxtga boshlagaysan
Baxt makonim O’zbekiston!
(Автор неизвестен)
—
Почти русскими буквами (кириллица):
Қалбларда кўп орзу-армон
Яшагин,деб алвон-алвон
Тер тўкамиз маржон-маржон
Меҳрибоним Ўзбекистон
Таратиб оламга шонинг
Хирмонлардан тошса донинг
Нурдай кулса ширмон нонинг
Онажоним,Ўзбекистон
Умидингмиз,бизга ишон
Илму фанда топиб имкон
Ўсиб,юзлаб очгаймиз кон
Жонажоним Ўзбекистон
Дадил қадам ташлагайсан
Жаҳонаро яшнагайсан
Халқни бахтга бошлагайсан
Бахт маконим Ўзбекистон!
(Автор неизвестен)
3. Стих про Узбекистан / про Родину: «Ona yurtim»
O’zbekiston go’zal yurtim
Bo’lsin omon osmonim
Quyosh tepangda tursin
Tinchlik bo’lsin zamonim
Osmoni.musaffo yurt
Yerda suvi zilolim
O’zbegim qo’ling yetsin
Butun jahonga doim
O’zbekiston elimga
Necha yillar yog’di qor
Endi quyoshi chiqdi
Qor ketib keldi bahor
O’z yurtidan ketganlar
Musofirlikda yurib
Tinchlik bayrog’i bilan
Quvonib kirib keldilar
Vatan uchun jon bergan
Do’stlar,oradan ketdi
Tumanli kunlar o’tdi
Istiqlol bizga yetdi
O’zbekiston ona yurtim
Bo’lsin omon osmonim
Quyosh tepangda tursin
Tinchlik bo’lsin zamonim
(Автор Абдулла Арипов)
—
Почти русскими буквами (кириллица):
Ўзбекистон гўзал юртим
Бўлсин омон осмоним
Қуёш тепангда турсин
Тинчлик бўлсин замоним
Осмони.мусаффо юрт
Ерда суви зилолим
Ўзбегим қўлинг етсин
Бутун жаҳонга доим
Ўзбекистон элимга
Неча йиллар ёғди қор
Энди қуёши чиқди
Қор кетиб келди баҳор
Ўз юртидан кетганлар
Мусофирликда юриб
Тинчлик байроғи билан
Қувониб кириб келдилар
Ватан учун жон берган
Дўстлар,орадан кетди
Туманли кунлар ўтди
Истиқлол бизга етди
Ўзбекистон она юртим
Бўлсин омон осмоним
Қуёш тепангда турсин
Тинчлик бўлсин замоним
(Автор Абдулла Арипов)
4. Стих о Родине: «Qo’limda bayroq»
Moviy, yashil, oq,
Qo‘limda bayroq,
Yuguraman shod,
Vatanda ozod!
Shamolda g‘ir-g‘ir,
Hilpiraydi hur.
Dilim shoshadi,
Zavqim toshadi.
Ona tabiat
Va jo‘shqin hayot,
Musaffo osmon,
Tomirimda qon.
Pok orzularim,
Jam bo‘lgan bari.
Boshla mayog‘im –
Vatan bayrog‘i!
(Автор неизвестен)
—
Почти русскими буквами (кириллица):
Мовий, яшил, оқ,
Қўлимда байроқ,
Югураман шод,
Ватанда озод!
Шамолда ғир-ғир,
Ҳилпирайди ҳур.
Дилим шошади,
Завқим тошади.
Она табиат
Ва жўшқин ҳаёт,
Мусаффо осмон,
Томиримда қон.
Пок орзуларим,
Жам бўлган бари.
Бошла маёғим –
Ватан байроғи!
(Автор неизвестен)
5. Стих о Родине: «Yurtim bayrog‘i»
Boshim uzra hilpiraydi bayrog‘im
Senga boqsam chaqnar ko‘zim qarog‘im.
Moviy, yashil, oppoq erur ranglari
Qizil chiziq tomirdagi qonlari.
Osmonimiz bo‘lsin moviy musaffo
Poyi uzra yashil vodiylar paydo.
Oppoq qorlar ranglarini yashnatib,
Oy yulduzlar shulasini porlatib
Hilpirayver ona yurtim bayrog‘i
Sen erursan yuraklarning ardog‘i.
(Автор неизвестен)
—
Почти русскими буквами (кириллица):
Бошим узра ҳилпирайди байроғим
Сенга боқсам чақнар кўзим қароғим.
Мовий, яшил, оппоқ эрур ранглари
Қизил чизиқ томирдаги қонлари.
Осмонимиз бўлсин мовий мусаффо
Пойи узра яшил водийлар пайдо.
Оппоқ қорлар рангларини яшнатиб,
Ой юлдузлар шуласини порлатиб
Ҳилпирайвер она юртим байроғи
Сен эрурсан юракларнинг ардоғи.
(Автор неизвестен)
6. Стих о Родине: «Istiqlol bayrog‘i»
Ona yurtim jon yurtim
Hur O‘zbekiston yurtim
Istiqlol bayrog‘ini
O‘pib yuzimga surtdim.
(Автор неизвестен)
—
Почти русскими буквами (кириллица):
Она юртим жон юртим
Ҳур Ўзбекистон юртим
Истиқлол байроғини
Ўпиб юзимга суртдим.
(Автор неизвестен)